اپنے دشمناں نال پیار کرو
ریورنڈ ۔ڈی۔ارَل کِرپ،پی ایچ۔ڈی
متی 38:5 تُساں سُنیا ہویا پئی ایہہ کہیا گیاسی پئی اکھ دے بدلے اکھ تے دند دے بدلے دند
متی 39:5 پر میں تہانوں کہنا واں پئی شریر دا مقابلہ نہ کرو بلکہ جیہرا تہاڈی سجی گل تے چپیڑ ماردا اپنی دوجی گل وی اوہدے ول پھیر دے۔
متی 40:5 اگر کوئی تیرے تے مقدمہ کر کے تیرا چِگا لینا چاوے تے توں اپنا چوغہ وہی اوہنوں دے دے۔
متی 41:5 تے اگر کوئی اِک کوہ تینوں بیگار لئی لیجانا چاوے توں اوہدے نال دو کوہ چلا جا۔
متی 42:5 جیہڑا وی تیرےکولوں اوہنوں دے تے جیہڑا تیرے کولوں قرض چاوے اوہدے ولوں منہہ نہ موڑ۔
متی 43:5 تسی سُنیا ہویا اے پئی ایہہ کیہا گیا سی پئی اپنے گوانڈی نال پیار کر تے اپنے دشمناں نال وَیر ۔
متی 44:5 پر میں تہانوں ایہہ کیہنا واں پئی اپنے دشمناں نال محبت رکھو، اپنے لعنت کرن والیاں لئی برکت چاؤ، اپنے نفرت کرن والیاں لئی بھلائی چاؤ تے اپنے ستاؤن والیاں لئی دُعا کرو۔
متی 45:5 تاں جو اپنے پیو دے جیہڑا آسمان تے وے اوہدے پُتر بنو کیوں جو اوہ اپنےسورج نوں بداں تےنیکاں دوواں تے چمکوندا اے تے رستبازاں تے ناراستاں دوواں تے مینہ وسوندا اے۔
متی 46:5 کِیُوں جو اگر تُسی اپنے محبت رکھن والیاں نال ای محبت رکھدے اور تے تہاڈے لئی کیہہ کھَٹی اے؟ کیہہ محصول لین والے وی اِنج ای نہیں کردے؟
متی 47:5 تے اگر تُسی صرف اپنے بھراواں نوں ای سلام کردے او تے کیہہ بوہتا کردے او؟ کیہہ دوجیاں قوماں دے لوک وی اِنج ای نہیں کردے؟
متی 48:5 ہن اِنج چائیدا اے پئی تُسی کامل بنو۔جیویں تہاڈا آسمانی پیو کامل اے۔
پرہیزگاری دا بلاوہ
پہاڑی وعظ دا ایہہ حصّہ کلیسیاء دی تاریخ دے کجھ شریعت پرست تے اخلاقیات توں خالی لوکاں نے منسوخ کر دتا۔ اگر تُسی ایہناں تعلیماں دی روح نوں سمجھنا چاوندے او۔ تے ایتھے کجھ گلاں نیں جنہاں نوں اپنے دِل وچ رکھنا بڑا ضروری اے۔ پہلی گل مقدس یوحنا دی انجیل 14-12:16’’ میں تہاڈے نال ہور وی بڑیاں گلاں کرنیاں نیں پر اجے تُسی اوہناں نوں برداشت نہیں کر سکدے پر جدوں اوہ یعنی روحِ حق آوے گا تے تہانوں ساری سچیائی دی راہ وکھاوے گا۔ ایس لئی پئی اوہ اپنے ولوں کجھ نہیں کہوےگا پر جو کجھ سُنے گا۔ اوہو ای کہوے گا۔ تے تہانوں آؤن والیاں خبراں دوے گا۔ اوہ میرا جلال ظاہر کرے گا۔ ایس لئی کہ میرے کولوں ای لے کے تہانوں خبراں دوے گا۔‘‘ یسوع مسیح نے اپنے شاگرداں نوں آگاہ کیتا پئی ایس ویلے اوہ ایہناں تعلیماں نوں سمجھ نہیں سکدے جیہڑیاں یسوع مسیح اوہناں نوں دیندا اے، جدوں تک روح القدس اوہناں نوں نہیں دتا جاندا اوس ویلے تک اُوہناں نوں ہورکوئی کم نہیں دتا جاوے گا۔
پولوس رسول ایس گل دی تصدیق کر دے نیں۔2 ۔کرنتھیوں 6-5:3 ’’ ایہہ نہیں پئی اسی خود ایس قابل واں پئی اپنے ولوں کجھ خیال کر سکیے بلکہ ساہڈی لیاقت خُدا ولوں اے۔ جنہیں ساہنوں نویں عہد دے خادم ہون دے قابل کیتا۔ لفظاں دے خادم نہیں بلکہ روح دے کیوں جو لفظ مار دیندے نیں پر روح زندہ کردی اے۔‘‘
کلیسیاءدی تاریخ وچ بوہت سارے سیانے ہو گزرے نیں۔ جنہاں نے اپنیاں گردناں نوں جھکا دتا۔ تے ایس طراں دیاں تعلیماں دے الفاظ توں بیزاری دا مظاہرہ کیتا۔’’یسوع مسیھ نے جو کجھ کیہا اوہدا وہ بالکل ایہو ای معنی اے‘‘اوہناں نے بڑے زوروشور نال احتجاج کیتا، ’’تے ایہناں سوکھیاں اکھراں وچوں کجھ وی پڑھن دی کوشش کرنا غلط اے‘‘ ساہڈا ردِعمل اے وے۔ یسوع مسیح دا اصل وچ مطلب اے وے پئی جیہڑا میں دسیا اےبلکہ جو کجھ میں کیہا اے۔ بائبل دے ولوں ایہہ صاف طریقے نال دسیا گیا اے۔ ایہناں لفظاں دا معنی ایہہ نہیں اے کیوں جو ایہہ ساہڈے اُتے موت لیائے نیں۔جو کجھ اوہ کہندا اے۔ اوہ وجود وچ آ جاندا اے۔ تے صرف وجود وچ ای نہیں آوندا سچائی کے روح وچ لفظ ساہنوں حالت وچ لے آوندے نیں۔جدوں اسی ٹھیک نہیں ہوندے۔ اگر اسی کجھ کرنے واں ملعون ہُنے آں تےاگر کجھ نہیں کردے تے فیر وی ملعون ہُنے آں۔اِک ہدایت تے عمل کرنے واں تے دوسری دی نافرمانی کرنے واں۔ ایہہ مسیح تے سچیائی دا راہ اے۔ یسوع مسیح نے خود کیہا اے ’’ پئی اوہدا جوّا ملائم اے تے بھار ہولا اے‘‘اوہنوں توڑنا، مروڑنا تے موت دے معاملے وچ لفظاں دا بھار اوہ نہیں اے۔جیہدے تے ساہڈے لئی یسوع نے سوچ وچار کیتا ہے۔ پئی اوہنوں سمجھو تے فرمانبرداری کرو۔
ایتھے اسی کدے بارے وچ گل کر رے آں؟ اچھا آؤ کجھ مثالاں نوں لینے آں تے ویکھنے آں۔
متی 39:5 پر میں تہانوں کیہناں واں پئی بُرے دا مقابلہ نہ کرنا۔ ۔ ۔
اگر اسی ایہدے لفظاں نوں لینے آں تے اسی کسے نوں ویہنے آں۔پئی کوئی پنگھوڑے وچوں کسے بال نوں چوری کرریہا اے۔تے اوہدی ماں اوہنوں نیں ویکھ رہی۔ تے اسی ایس بارے وچ کجھ نہیں کرسکدے۔ تے نہ ای کسے نوں کہہ سکنے آں۔ کیوں جو ساہڈے تے ایہہ شرط لگی اے پئی شریر دا مقابلہ نہ کرنا۔ ایہہ یقینی طور تے بُری گل اے۔اگر اسی کسے نوں وینے آں پئی اوہ بُڈھے نوں مار رہیا اے۔تے اوہدا کھانا تے پیسہ کھو رہیا اے۔ تے اسی دخل اندازی نہیں کر سکدے۔ کیوں جو اسی برائی یا شریر دا مقابلہ نہیں کر سکدے۔اگر کوئی ساہڈے گھر نوں توڑ کے اندر آ جاندا اے تے تہاڈے بیوی بچیاں نوں چھیڑدا تے تنگ کردا اے۔تے کیہہ اوتھے اسی کٹھ پُتلی بن کے بیٹھے روّاں گے تے سب کجھ ہون دواں گے۔کیوں جو اسی’’ بے ضرر لوگ‘‘ آں۔
تُسی کہہ سکدے او، بالکل ٹھیک، پر اگر ایہہ ایس طراں اے۔ پئی جس طراں اسی کرنا چاونے آں۔ایہہ کیہہ فرق پاؤندا اے۔ مشکل ایہہ وے پئی کجھ ہور ہدایتاں نیں، بہت ساریاں دوجیاں گلاں دا حصّہ جیہڑا یسوع نے کہیا اے۔ اوہ ساہڈیاں حیاتیاں وچ ضرور آؤنا چائیدا اے۔ جدوں روح القدس ساہڈیاں حیاتیاں دے وچ آؤندا اے۔اوہناں عملاں دے ایہہ مخالف اے۔
مثال دے طور تے آؤ اسی یسوع مسیح دی حیاتی کولوں کجھ لینے آں۔مقدس یوحنا دی انجیل دے دوجے باب وچوں اسی پڑھنے آں
یوحنا 13:2 یہُودِیاں دی عِیدِ فسح کول سی تے یِسُوع یروشلِیم نوں گیا۔
یوحنا 14:2 اُوہنے ہَیکل وچ ٹگھے تے بھیڈاں تے کبُوتر ویچن والیاں تے سنیاریاں نوں بَیٹھیاں ویکھیا۔
یوحنا 15:2 تے رسّیاں دا کوڑا بنا کے ساریاں نوں یعنی بھیڈاں تے ٹگھیاں نوں ہیکل وچوں کڈھ دتا تے سنیاریاں دے پیسے کھلار دتے تے اوہناں دے تختے اُلٹ دتے۔
یوحنا 16:2 تے کبُوتر ویچن والیاں نوں کیہا ایہناں نوں ایتھوں لے جاؤ میرے پیو دے گھر نوں کاروباری گھر نہ بناؤ۔
تِن ورھے بعد ، متی 21 باب وچ:
متی12:21 تےیسوع نے خُدا دی ہیکل وچ وَڑ کےاوہناں ساریاں نوں بار کڈھ دتاجیہڑے ہیکل وچ خریدوفروخت کر رھے سن تے سنیاریاں دے پھٹے تے کبوتر ویچن والیاں دیاں چوکیاں اُلٹ دتیاں۔
متی13:21 تے اوہناں نوں کہیا پئی میرا گھر دُعا دا گھر کہلاوے گا۔ پر تُسی ایہنوں ڈاکواں دی کھوہ بنا دتا اے۔
ایہناں دو مثالاں وچ پہاڑی وعظ وچ یسوع مسیح بالکل اپنی تعلیم دے مطابق اے۔ پَر بعد چہ انج دا نہیں سی۔ اصل وچ اوہنے شریر دے خلاف مزاحمت کیتی۔ اوہنے کوڑا بنایا۔ تے اوہناں نوں پھینٹی لگائی۔ اوہنے اوہناں دے میز اُلٹ دتے تے ہیکل دے فرش تے اوہناں دے پیسے کھلار دتے۔ ’’ ایہہ کاٹھ کباڑ بار کڈھو۔‘‘ اوہنے اوہناں نوں شدید غصّے نال کہیا، ’’ میرا گھر دُعا دا گھر کہلاوے گا۔ پر تُسی ایہنوں ڈاکواں دی کھوہ بنا دتا اے۔‘‘ تُسی دلیل دیندیاں ہوئیاں ایہہ کہہ سکدے او پئی ایہہ یسوع سی۔ساہڈے لئی اوہنوں ایویں دی مثال قائم نہیں سی کرنی چائیدی۔ٹھیک اے، پر ایہہ ایتھے پہاڑی وعظ وچ اینی مؤثر نہیں۔ پئی شریر دا مقابلہ نہ کرو۔ یسوع نے کیہا، تاں جو تُسی اپنے روّیاں تے کماں وچ کامل بنو جیویں تہاڈا آسمانی پیو کامل اے۔ ایہناں دو مثالاں ، ہیکل تے پیسیاں نوں تبدیل کرن وچ یسوع مسیح پوری طراں غالب اے۔ یسوع مسیح نے اپنے پہاڑی وعظ دیاں تعلیماں نوں وگاڑیا نہیں۔جیہدے وچ کیہا گیا اے۔ پئی شریر دا مقابلہ نہ کرو۔ اوہ اپنی نرم مزاجی ، فروتنی تے معصومیت دے لمحیاں توں وکھ نہیں ہوئے۔ اصل وچ ہیکل والے دِناں دے واقعے فروتنی، رحمدلی، سخاوت تے نرم مزاجی دا ثبوت نیں۔ راستبازی نوں اُبھارن، بھولاپن تے نظم و ضبط نوں ویکھن لئی ایتھے سچیائی دے روح وچ رحمدلی تے انصاف، محبت تے عدالت ، نرم مزاجی تے جوش دے درمیان اختلاف نہیں اے۔
دوجی گل دا پھیرنا
دوجے گل نوں پھیرنا وی اِک سچ اے۔اگر تُسی سچائی دے حرف نوں ویکھدے او۔ تے تُسی دوواں نوں نہیں ویکھ سکدے۔تُسی اپنے آپ نوں اِک ای ویلے زخمی ہون تے ناانصافی توں بچن لئی دوجی گل نہیں پھیر سکدے۔ تُسی ٹھیک یا غلط ہون دے معاملے وچ پھنسا دتے گئے او۔خداوند یسوع مسیح دا ایہہ مطلب نہیں پئی تُسی غلط یا ٹھیک ہون دے قانونی جال وچ پھس جاؤ۔سچائی دے روح دے مطابق ایتھے تہاڈے بھرا دے نال تہاڈے روّیے دے بارے پہاڑی وعظ دی روح نوں سامنے رکھدے ہوئیاں برابری دا اِک راہ ہے۔مقدس متی دی انجیل 17-15:18 وچ یسوع مسیح ساہنوں دسدے نیں پئی ساہنوں ایس دے معاملے نال کس طراں نمٹنا چائیدا اے۔
متی15:18 اگر تیرا بھرا تیرا گُناہ کرے تے جا تے تنہائی وچ گل بات کرکے اوہنوں سمجھا اگر اوہنے تیری سُن لئی تے توں اپنے بھرا نوں پا لیا۔
متی16:18 تے اگر اوہ نہ سُنے تے توں اِک دو بندیاں نوں اپنے نال لے کے جا تاں جو ہر اِک گل اِک دو گواہواں دی زبانی ثابت ہو جائے۔
متی17:18 اگر اوہ ایہناں دی سُنن توں انکاری ہو جائے تے کلیسیاء نوں کہہ تے اگر اوہ کلیسیاء دی وی نہ سُنے تے توں اوہنوں غیر قوماں تےمحصول لین والوں دے برابر سمجھ۔
پر اِک منٹ اڈیکو، ایہہ کم کنج ہوندا اے؟ میرا خیال کہ یسوع مسیح پہاڑی وعظ چہ کہندے نیں۔ساہنوں بُرے دا مقابلہ نہیں کرنا چائیدا۔اگر تہاڈا بھرا کُرتے لئی ضد کردا اے تے تُسی اوہنوں اپنا چوغہ وی دے دوّو۔ہن یسوع مسیح کہندے نیں۔ اگر ضروری اےتے اسی اپنے بھرا نوں کلیسیاء دے سامنے لے جانے آں۔اگر اسی انصاف نہیں کر سکدے تو اپنے بھرا نوں غیر قوماں تے محصول لین والیاں دے برابر جان۔ اسی ایہہ دونویں کم اِک ای ویلے کس طراں کر سکنے آں۔ اینہاں دوواں دا آپس وچ تضاد اے۔
ٹھیک اے، اِک لمحے لئی اسی دونویں مثالاں دے وَل نہیں جا رہے۔ پئی لفظاں وچ تضاد کس طراں دا اے۔ جیہڑی تعمیل نوں ناممکن بنوندی اے۔ نقطہ ایہہ وے پئی یسوع مسیح سچائی دے روح دی تعلیم دے رھے نیں۔نہ اے جدوں انصاف پیراں تھلے کُچل دتا جائے۔تو ایک پاسے وکھرے ہو کے کھلو جاؤ۔تے چالاک لوکی ساہڈا اایس طراں دا ایمان ویندیاں ہوئیاں کوئی راہ کڈھ لین۔ یسوع مسیح کردار ، اقدار دے نظام تے مقدس زندگی دے محرکات دی گل کر رھے نیں۔ آدم دی دُنیا وچ ہر بندہ اپنے لئی جیندا اے۔ ہربندہ ایتھوں تک کہ مسیحی لوک وی یسوع مسیح دی پرواہ نہیں کردے پئی اوہ کیہہ کہندے نیں۔بلکہ عہدے لین وچ لگے رہندے نیں۔کوئی وی اوہناں کولوں،اوہناں دے بندیاں کولوں فائدہ نہیں لے رہیا یا ایسی چیز نوں اوہناں کولوں پراں لے جائے۔جیہڑی اوہناں بڑی محنت نال کمائی کر کے، بندوبست کر کے تے اے وی ہو سکدا اے تھوڑی بوہت بے ایمانی کر کے لئی ہوئی اے۔ اوہناں لئی حیاتی ساریاں کولوں اہم اے۔ ایہہ اگے ودھن دے لئی اے۔ ایہہ اپنے آپ توں نکلن لئی اے۔ایہہ دوجیاں لوکاں نوں اپنے آپ کولوں دور رکھنا اے۔ اگر تہاڈے کول بوہتی رقم اے تے تُسی بھلائی لئی کجھ رقم دوّو گے۔اگر تہاڈے ساتھی تہاڈے نال بوہت زیادہ نامناسب نہیں۔ تے تُسی اوہناں لئی رحمدلی تے شفقت دا مظاہرہ کرو گے۔تُسی اوہناں نال چنگے اوہ جیہڑے تہاڈے نال چنگے نیں۔ پر کوئی وی ایہہ توقع نہیں کر سکدا پئی اوہ تہانوں تہاڈے مقصد یا اوہناں دی مدد جیہڑے اوہدی داد دیندے نیں اوہ جیہڑے تہاڈے لئی شُکر گزاری دا اظہار کردے نیں توں بڑی دور لے جان گے۔ تُسی اوہ کرو گے۔جیہڑا تہانوں اِک مسیحی ہون دے ناطے نال کرنا اے۔ پر ایس توں زیادہ کجھ نہیں۔ تُسی بینک نہیں او۔ مسیحی لوک تہاڈے کول رقم اُدھار لین دی توقع رکھ کے نہیں آؤن گے۔ تُسی اوہدے کولوں اوہ نہیں لے سکدے۔ اگر مسیحی لوک تہاڈے کول مدد لین لئی آوندے نیں۔ پر ایہدے اُلٹ جو کجھ اوہنے نہیں منگیا تُسی اوہناں نوں ناخوشی نال دوّو گے۔ تُسی واقع ناراض ہو جاؤ گے پئی جس طراں دا تُسی وصول کیتا اے۔
یسوع مسیح ساہنوں دو گلاں یاد دوندے نیں۔سب تو پہلوں، ایہہ طریقہ نہیں اے ۔ خُدا ساہڈے نال ایہہ۔ اوہ ساہنوں اپنا فضل ، اپنی رحمدلی ، تے بھلیائی دین لئی ساہنوں لبھن لئی دُنیا دے ہنیرے وچ اُتر آیا۔ تے ساہڈے لئی ناقابلِ بیان ہمیشہ دی دولت وچ ساہڈاحصّہ ممکن بنا دتا۔ جدوں اسی غریب ای ساں اوہنوں دین لئی ساہڈے کول کجھ نہیں سی۔یا اوہ کجھ جیہدے نال بخششاں تے رحمتاں نوں مُل لے سکیے۔ اسی اوہدے دشمن ساں۔ لگاتار اوہدے خلاف کم کردے رھے۔ تے اوہنوں لاپرواہی نال ویندے رھے۔ اسی اوہدا مذاق اڑوندے رھے۔اسی اوہنوں ذلیل کردے رھے۔ اوہدے بُت بنوندے رھے۔ تے اساں اوہنوں ایس دنیا چوں کڈھ دتا۔ اج دی دنیا بوہت بُری اے تے یورپ چہ خُدا دے خلاف قیاس ارائیاں ہر وقت چوٹی تے پونچیاں رہندیاں نے۔ پر خُدا ہمیشہ اپنا مینہ ، سورج اور ہوا کَلدا رہیا اے۔ تاں جو فصلاں اُگن تے اوہدے لوک اچھیاں چیزاں کھان۔ فیر اوہ ایہہ کہہ سکدا اے۔’’اچھا ، میں اِک واری اوہدی مدد کرن لئی اوہدے کول جاناں واں۔ تے لوکاں نے اوہنوں من لیا۔ اوہناں نے میری شان گھٹا دتی۔ مینوں تکلیف دتی۔ تے مینوں دھتکار دتا، اوہناں نوں خود سب کجھ کرن تے چھڈ دتا گیا۔‘‘ پر خُدا ایس قسم دا بندہ نہیں اوہنے انج نہیں کیتا۔
تہاڈے آسمانی پیو دے بچے
تے فیر ، یسوع ساہنوں دسنا چاوندا اے۔پئی ساہنوں کس طراں دے انسان ہونا چائیدا اے۔ اگر اسی خُدا نوں خوش کرن لئی تے اوہدی بادشاہی دے لئی کارآمد بنن لئی پاکیزہ زندگی گزارنے آں۔ ایس دُنیا وچ خُدا دی بادشاہی ، جتھے کلیسیاء دا مقصد جاری اے۔ اگر اسی خُدا نوں آسمان تے کم کردیاں ویکھنا چاونے آں فیر آسمانی پیو دی طراں دے کم تے اوہدے بندیاں دی طراں دے کم کرنے ہون گے۔ نویں عہد نامے وچ کلیسیاء نوں لکھے گئے خط ایہناں نصیحتاں نال بھرے پئے نیں۔ پئی سچیائی دے روح وچ ایہناں ساریاں ذمہ داریاں نوں کنج پورا کرنا اے۔ کوئی اوہناں دی مخالفت نہیں کر سکدا تے نہ ای اوہناں نوں رَد نہیں کر سکدا۔ مقدس متی 28-26:20 وچ یسوع مسیح کہندے نیں۔ ’’بلکہ جیہڑا تہاڈے وچوں وَڈا بننا چاوندا اے اوہ تہاڈا خادم بنے۔ تے جیہڑا تہاڈے وچوں اوّل آؤناں چاوندا اے۔اوہ تہاڈا غلام بنے۔ چُنانچہ ابنِ آدم ایس لئی نہیں آیا۔ پئی خدمت لوّے بلکہ ایس لئی پئی خدمت کرے۔ تے اپنی جان بہتیریاں دے بدلے فدیہ وچ دوّے۔‘‘ نوکر اپنے مالک توں وَڈا نہیں ہوندا۔اسی لوکاں نوں خادم نہ بنائیے بلکہ خادم بنیے۔ تے اپنی زندگیاں دوجیاں لئی دے دیئے۔ جس طراں اوہنے دتی۔
سچیائی دے روح دے ڈھانچے دے اندر ساہنوں کمرے دتے گئے نیں جیہڑے ساہڈے اپنے نیں۔
سچائی دے روح دے ڈھانچے دے اندر ساہنوں کمرے دتے گئے نیں۔ جیہڑے ساہڈے اپنے نیں۔ نہ صرف اوہدیاں چیزاں بلکہ اوہدی حفاظت جیویں دی اسی سوچ سکدے آں۔ تاں جو اسی انصاف ہوندا تے پاکیزگی نوں مضبوط ہوندا ویکھ سکیے۔ یاد رکھو پہاڑی وعظ دیاں ساریاں تعلیماں وچ، یسوع مسیح نے موسیٰ تے شریعت نوں نہ ای رَد کیتاتے نہ ای اوہدے حق چہ دلائل دتے۔اوہ بیان کردا اے۔ پئی ایس شریعت دی روح کجھ مزید ، تے کجھ مختلف ای چاؤندی اے۔جس طراں شریعت دے الفاظ چاؤندے نیں۔ ہاں خُدا نے معاشرے وچ تلوار رکھ دتی اے۔ کیوں جو ایہہ نوح دے زمانے دے ہَڑ توں پہلوں دا ثبوت اے۔ پئی انسان ایس دنیا وچ قوانین تے اصولاں توں بغیر جیوندا نہیں رہ سکدا۔تے اِک راہ ہے کلیسیاء لئی ہدایتاں وضع کیتیاں تاں جو تسی خدا دے نال اپنے رشتیاں لئی راستی تے انصاف لے سکو۔ لیکن یسوع مسیح ایتھے کہندے نیں۔پئی انصاف تے راستی ساہڈی زندگی دی محدود خصیوصیتاں نہیں ہونیاں چائیدیاں ساہڈا کردار رحمدلی ، فضل، محبت، بھلیائی، تابعداری تے خودانکاری ہونا چائیدااے۔ موسیٰ نے جیہڑے الفاظ کہے اوہ انکار کردے نیں۔ پر روح انج نہیں کردا ایہو ای اے جیہدے بارے یسوع مسیح کہہ رہیا اے۔ایہہ وے پئی کیوں اوہنے کلیسیاء نوں اے دتا تے کیوں اوہنے انسان نوں تحفے دتے۔تہاڈا پیشگی قبضہ تہاڈے نال تے تہاڈے تحفیاں دے نال نہیں ہونا چائیدا۔ تہانوں تدبیراں نہیں بنونیاں چائیدیاں۔ پئی تُسی ایہدے کولوں کِنا فیدا چُک سکوگے۔ایہدے اُلٹ تہانوں چائیدا اے پئی کس حد تک کر سکدے او۔ تے تُسی اپنے وعدیاں تے کنج پورا اُترو گے۔ ایہنوں نہ ویکھو پئی تہاڈے کول کِنا اے۔ اگر اوہ تہاڈا اے اوہنوں ایس نظر نال ویکھو پئی اوہ خُدا دا اے( جیہڑی سچی گل اے) ایس گل دا خیال رکھو۔ پئی اوہ چاوندا اے تُسی کرو۔ یسوع مسیح نہیں چاوندے پئی اپنے قدرتی پیو آدم ورگے بنیے۔ اوہ چاوندا اے پئی اسی اپنے آسمانی پیو ورگے بنیے۔