کہیہ یسوع مسیح دی معافی دا انحصار ساہڈے تے وے؟

ریورنڈ ۔ ڈی۔ ارل۔ کرپ، پی ایچ۔ ڈی

 

متی 12:6  تے جِس طراں اسی اپنے قرضداراں نوں معاف کیتا اے توں وی ساہڈے قرض ساہنوں معاف کر۔

 متی 13:6  تےساہنوں آزمائش وچ نہ لیاہ بلکہ برائی توں بچا [کِیُوں جو بادشاہی تے قُدرت تے جلال ہمیشہ تک تیرا ای اے۔ آمین[

متی 14:6  ایس لئی پئی اگر تُسی لوکاں دے قصورمُعاف کرو گے تے تہاڈا آسمانی باپ وی تہاڈے قصور تہانوں معاف کرے گا۔

متی 15:6  تے اگر تُسی لوکاں دے قصور معاف نہیں کرو گے تے تہاڈا آسمانی باپ وی تہاڈے قصور معاف نہیں کرے گا۔

 

خُدا دی دعا تے غور کردے ہوئیاں ، اسی ویہنے آں پئی یسوع مسیح ساہنوں اپنے قصوراں دی معافی دی درخواست کرن دا مشورہ دیندے نیں۔ ایہہ معافی اِک اعلان اے۔ پئی جدوں اسی اپنی مرضی نا ل دوجیاں دے اپنے خلاف کیتے گئے قصور معاف کرنے آں۔ایہہ حمایت لین دا کوئی حوالہ نہیں اے۔ ایہہ کوئی کہاوت نہیں اے۔ پئی اگر اسی دوجیاں دے قصور معاف کرن دا پکا ارادہ نہیں کردے تے اسی دوجی واری جم نہیں سکدے۔تے خُدا دی بادشائی وچ اپنائے نہیں جا سکدے ایہہ بالکل سچی گل اے۔ پئی اسی خداوند دی صلیب دے کول آن لئی بے دوش نہیں ہو سکدے جدوں تک اسی کینہ تے بغض نوں قابو نہیں کر لیندے۔ تے  اوہنوں ناخوشی دے حوالے نہیں کر دیندے۔

 

ایتھوں تک پئی یسوع مسیح نال چمبڑے رہن لئی جہان تے پہلے بندے ( آدم) دی حیاتی نوں تے گناہواں وچ ایدھر اودھر گھمدے رہینے آں۔ جہناں وارے ساہنوں پچھتوناں پوّے ،تے چھڈنا پوّے۔ جدوں اسی توبہ کرکے صلیب وَل آونے آں ۔ تے اُٹھ کھلونے آں تے پوری طرں سمجھ کے پرانی حیاتی تے ہر شے وچ یسوع مسیح نال مرنے آں۔ اگرایہہ انج نہیں اے۔ تے عقیدیاں دی سمجھ وچ ڈُبے ریہندے ہوئے توبہ نہیں کردے۔ تے ایہہ اِک ہور مسئلہ اے۔

 

ایتھے کلیسیاء دے خُدا دے کولوں دوری لئی اِک پیغام اے۔ ساہڈیاں روزانہ دیاں حیاتیاں وچ ، تے خُدا کولوں دعاواں وچ اسی خُدا دی معافی نہیں لے سکاں گے۔ اگر اسی اپنی کوَڑ تے پتھر دلی توں باہر نہیں آوندے۔ تے نہ چاہوندیان ہوئیاں وی دوجیاں نوں معاف کردے۔ جہناں بارے وچ خُدا نے ساہنوں معاف کرن دا کیہا اے ۔ پرانے عہد دے دوران جیہدے بارے خداوند یسوع مسیح یہودیاں نوں سکھوندے نیں۔ ایہہ بھیت نہ کھل سکیا۔ پر نویں عہد وچ ، کلیسیاء دے چُکے جان تے پینتی کوست تک ایہہ کھل سکیا۔ تے ایہہ ہونا چائیدا اے اگر اسی چاہونے آں پئی خُدا دے نال ساہڈیاں دعاواں وچ اثر پیدا ہووے۔

 

صدیاں توں کلیسیاء دے بوہت سارے مسیحی، تے اوتوں اوتوں دے مسیحی ایس دعا نوں رٹدے آئے نیں۔ یا ایس طراں دیاں دوجیاں دعاواں نوں پڑھدے آئے نیں۔ جدوں ایہناں سارے ویلیاں وچ اوہناں دے پرانے دل ، پرانے پھٹ تے پرانےبغض انج اے رہے۔ پئی اوہ نکل گئے تے ودھدے رہے۔ جدوں ویلے تے حالات نے اوہناں دے اندر خطرے دی گھنٹی وجائی۔ تے اوہ اوہدے چوں نکل آئے تے اگے ودھ گئے۔ تے کیہہ اوہ روح تے حیاتی دی ایس کمینگی تے کوَڑ نوں محسوس نہیں کردے۔ جیہدے وچ اوہناں کئی ورے لنگا دتے۔ جیہڑے ایس گل دا ثبوت نیں۔ پئی خُدا دی دوری دے بارے وچ اوہناں دے قصور معاف نہیں کیتے گئے۔ اوہ خوش نہیں اوہ ایمان وچ پکے وی نہیں۔ اوہ اپنے خاونداں ، بیویاں، خانداناں تے دوجیاں دے نال کُھلے دِل دے نہیں رہندے۔ اوہ حقیر تے نِکے لوکاں نوں دبا دیندے نیں۔ اوہ نِکی دُنیا وچ ریہندے نیں۔جینہاں دی کھٹیائی نال جمے ہوئے دودھ دے وانگوں تقریباً مریاں ہوئیاں روحاں دی پچھ گچھ دی لوڑ اے۔ جیہڑے پرانی حالت توں نکل نہیں سکدے۔بالکل خُدا نیں اوہناں نال انج ای کیتا اے۔ جیویں اوہناں نیں سوال کیتا اے۔ جس طراں اوہناں نے دوجیاں نوں معاف کیتا اے۔ تے ایسے طراں اوہنے وی اوہناں نوں معاف کیتا اے۔ اوہ معاف کرن وچ تے بھُل جان وچ راضی نہیں ایسے لئی تے نہ ای خدا نے اوہناں نوں معاف کیتا اے۔تے نہ ای اوہناں نوں یاد رکھیا اے۔خُدا توں دوری دی وجہ توں اوہ مردہ لوکاں وانگوں چلدے نیں تے خُدا دی بادشائی دیاں حداں توں باہر اوہ اپنیاں حیاتیاں گزار رہے نیں۔ محنت مشقت دی یاد ، تیلیاں تے چھلکیاں دی طراں جیہڑے قیامت دی اِک بوہت وڈھی اگ دی حوالے ہو جان گے ۔اوہ سوچدے نیں پئی اوہ لوکاں نوں بےوقوف بناؤندے نیں اوہ کہندے نیں۔ ’’ میں تے اِک معاف کیتیا ہویا بندہ واں‘‘ اوہ رٹیاں رٹائیاں دعاواں دُہراوندے نیں۔ مشکل ایہہ وے۔ پئی جیس بندے دے نال ایہہ مسئلہ اے اوہ بےوقوف نہیں اے۔ آؤ اسی ایس گل نوں بڑے سدھے سادھے طریقے نال ویہنے آں۔ کیوں جو ایہہ اِک بڑی خاص گل اے۔ اگر تُسی مسیحی سخاوت تے دِل توں اپنے بھرا تے گوانڈی دے قصور معاف نہیں کردے۔ تے خُدا تہاڈے قصور معاف نہیں کرے گا۔ بالکل انج ای اے۔ جیہدے بارے وچ یسوع مسیح دسدے نیں تسی بینک ، کھلیان ، لکڑی دے گودام، ملازماں دے گھر اپنے نال پیسے لے کے جاندے او۔ تُسی اپنی زندگی باہر کوَڑ ، حوصلہ توڑنا، مایوسی ، غصے تے جھوٹ وچ کڈھ رہے او۔کیوں جو خُدا ایہنوں نہیں لوّے گا۔ ایس طراں دے ای تسی بندے اوہ تے تہانوں ایس طراں دا اجر مِلے گا۔

 

ایس  بارے وچ کوئی غلطی نہ کرو۔ ایہہ یسوع مسیح نے کہیا اے۔ ’’ اگر تُسی لوکاں دے قصور معاف کرو گے، تے تہاڈا آسمانی باپ وی تہاڈے قصور معاف کرے گا۔ تے اگر تُسی لوکاں دے قصور معاف نہیں کرو گے تے تہاڈا آسمان باپ وہ تہاڈے قصور معاف نہیں کرے گا۔ ‘‘ (متی15-14:6)

 

ساہڈا آسمانی باپ ساہڈے قصور معاف نہیں کرے گا۔ اگر اسی اوہناں دے قصور معاف نہیں کردے۔ جنہاں نے ساہڈے قصور معاف کیتے نیں۔ یا اسی سوچنے واں پئی ساہڈے خلاف قصور کیتے نیں۔

 

خُداوند یسوع مسیح دی دُعا یا 14ویں تے 15 ویں آیت وچ جیہڑی وضاحت کیتی گئی اے۔ یسوع مسیح نے خاص طور تے دولت یا مادی چیزاں دے بارے وچ کہیا اے۔ مقدس متی 44:5 ایس نوں ہور زیادہ واضح کر دا اے۔ پئی دولت نوں ایس موضوع توں باہر نہیں کڈھیا جا سکدا۔ پر ایتھے گل ایس توں وی بوہت اگے وے۔ ایہہ غلط چیزاں تے حرکتاں دی گل ہو رہی اے۔جیہڑیاں اسی کرنے واں۔ پرانیاں کوَڑیاں یاداں ، بغض تے حسد ، تے اوہ مقدمے جیہڑے اسی اپنے خانداناں ، دوستاں ، بھائیاں دے خلاف درج کروائے ہوئے نیں۔ تے گھٹ ذہن تے کمینگی جیہڑی ساہڈیاں سینیاں دے وچ زخماں دی طراں نیں۔ اگر اسی چیزاں نوں اپنے اندروں نہیں کڈھدے (معاف نہیں کردے) تے اوہناں نوں نہیں بھلاوندے۔ تے خُدا وی ساہڈیاں ایہناں ماضی دیاں غلطیاں تےقصوراں نوں نہیں بھُلے گا تے ساہنوں معاف نہیں کرے گا۔

 

خُدا ساہنوں معاف نہیں کرے گا۔ ایہدا معنی کیہہ اے؟

کس نقطہ نظر نال خُدا ساہنوں معاف نہیں کرے گا۔ تے ایہدا کیہہ معنی اے؟ ٹھیک اے آؤدو یا تِن منٹاں لئی ایہدے بار وچ سوچئیے۔ ایس مسئلے دے بارے وچ اِک بامعنی تے فائیدے والی گل بات شروع کرن توں پہلوں ایہہ گل یاد رکھیئے پئی اسی اِک مقدس کم، مسیحی حیاتی تے جیہڑی کہ ایڈی عام جئ نہیں۔ دے بارے وچ گل کر رہے آں۔کوئی وی مسئلہ نہیں سی تے نہ ای ہے۔ کہ اسی سچ نوں پیش کرن بارے کجھ نہ کر سکیے۔ یسوع مسیح نے اوہ سب کجھ کر دتا۔ جیہڑا ساہڈے لئی درکار جواز لئی بڑا ضروری سی۔ چاہے اسی ایہنوں منیے یا نہ منیے۔ پر جدوں اِک بندہ دوجی واری جمدا اے۔ تے اوہ نویں مخلوق بن جاندا اے۔ جدوں اِک واری اوہ روح نال بھر جاندا اے۔ تے فیر اوہ ہر اوہ کم کرن دے قابل ہو جاندا اے۔جیہڑا اِک یہودی پرانے عہد دے ماتحت ہون دے ناطے نہیں کر سکدا۔ میرے بیلیو، آؤ ایہدی ہور وضاحت کریئے اسی مسیحی اوہنوں معاف نہیں کر سکدے جیہڑا ساہڈے خلاف گناہ کر دا اے۔ خُداوند یسوع مسیح وچص ایہہ صلاحیت ہے۔ تے اسی ایہہ کر سکنے آں۔ ایہہ کوئی بڑی وڈھی گل نہیں۔ پئی اسی جنت جانے آں یا نہیں۔ اگر تسی اپنے ماضی توں جان نہیں چھڑوندے جیہڑا بوہت اوکھا لگدا اے۔ فیر تسی ایس طراں دیاں تعلیماں ول کدی وی نہیں اُلٹوگے۔ تے اوہناں کولوں فائیدہ نہیں چُکوگے۔ پر خُدا دے نال چلن دے معاملے وچ ، خُدا نال رفاقت رکھنا ، اوہدے نال پکی ہوئی فصل دی پیلی وچ جانا ، آسمان تے خزانے نوں جمع کرن لئی ساہنوں اوہدی ہدایتاں تے عمل کرنا پو­ّے گا۔ ایہہ خُدا توں دور رہن دا سیاق و سباق اے۔ خُدا دے خاندان وچ حیاتی بسر کرنا تے وفادار خدمت کرنا ایہناں دوواں دا اجر ہن وی تے قیامت والے دِن وی ملے گا۔نویں عہد تے کلیسیاء وچ ساہڈے لئی ایہہ خُداوند دیاں تعلیماں نیں۔

 

جو کجھ ساہنوں خداوند یسوع مسیح کہہ رہے نیں۔ اوہ بڑی سادہ گل اے۔ مسیحی ہوندیاں ہوئیاں اسی جو کجھ بی رہے آں اسی اوہو ای وڈاں گے۔ اگر اسی اپنے جسم لئی بینے آں تے اسی بُریاں تے چھیتی ختم ہون والیاں چیزاں کٹنے واں۔ اسی اپنے آپ نوں ہمیشہ دیاں چیزاں لئی صرف اوس ویلے محفوظ رکھ سکنے آں۔ جدوں اسی روح القدس وچ چلنے آں۔ تے اوہدے مطابق حیاتی بسر کرنے واں۔ تے روح وچ بینے آں۔ ایہہ وڈھن دا اصول ، ایہہ بینا، ایہہ پکنا ایہناں ساریاں دا ساہڈیاں حیاتیاں ، دُنیا تے ساہڈے مستقبل تے بڑے مطلب، اثرات تے نتیجے نیں۔ جدوں قیامت والے دِن ساہڈا اعمال نامہ ساہنوں دتا جاوے گا۔

 

اوہ بندہ جیہڑا اپنے ماضی نوں چھڈن توں انکار کر دیندا اے۔ اوہ اپنیاں پرانیاں کوَڑیاں یاداں، حسدو بغض ، عیباں تے داگاں  نال بھری ہوئی حیاتی نال اپنے چوبارے ، کھلیان تے گودام وچ حیاتی گزارن ڈیا اے۔ اوہناں حیاتیاں وچ کیہہ ہوندا اے۔ خُدا دے کماں لئی ایہہ اوہناں نوں بےکار برتناں دی طراں بڑی کامیابی نال تباہ کر دیندا اے۔ اوہ! شاید ایہہ اوہناں دی ضرورت اے۔ پر اوہناں دیاں حیاتیاں غصے دی عادت نال، ناراضگی، مایوسی تے دباؤ ورگے تے اوہ نااُمیدی ، مایوسی تے مرے ہوئے ماضی نال لِبڑے پئے نیں۔ اوہناں دیاں شادیاں ، اوہناں دے خاندان، تے اوہناں دیاں کلیسیاواں اوہناں تے منفی اثرات چھڈ رہے نیں۔ حقیقتاں نوں بھن تروڑ کے اوہ اسمجھدے نیں پئی اوہناں کوئی بوہت وڈا معرکہ مار لیا اے۔ اوہ اسمجھدے نیں پئی اوہ بوہت ہوشیار نیں۔ تے اوہناں تے کوئی قابو نہیں پا سکدا۔ تے اوہ سمجھدے نیں۔ پئی اوہنان نے کسے نوں دُکھ دتا اے۔واقعی اوہناں نے کسے نوں دُکھ دتا اے۔ اصل وچ اوہناں نے بوہت ساریاں لوکاں نوں دُکھ دتا اے۔ پر سب توں بوہتا اوہناں نیں جنہوں دُکھ دتا اے اوہ شخص اوہ آپ نیں۔

 

میری بھین چالی ورہے توں مشرقی افریقہ وچ مشنری اے۔ اوہنے مینوں دسیا، پئی کس طرں غیر قانونی شکار کرن والے پردیسی نکے باندراں نوں پھڑدے نیں۔ کھوکھلی لکڑی دے گول ٹوٹے وچ اوہ اِک نکا جیہا مورا کردے نیں تے اوہدے اندر مونگ پھلی سُٹ دیندے نیں۔ باندر اپنا ہتھ اوہدے وچ پاوندا اے تے مونگ پھلی نوں پھڑ لیندا اے۔ فیر اوہدی مُٹھ سوراخ نولوں وڈھی ہو جاندی اے۔ تے اوہ اوہنوں باہر نہیں کڈھ پاوندا۔ فیر شکاری آ جاندا اے۔ تے اوہنوں پھڑ لیندا اے۔ کیوں جو اوہ اپنی مُٹھ نوں کھول کے اوہناں چیزاں نوں جنہاں نوں اوہنے پھڑیا ہویا اے۔ چھڈن توں انکاری ہو جاندا اے۔ اوہ لوکی جیہڑے معاف کرنا تے بھُلنا نہیں چاوہندے۔ بالکل ایس طراں دے ای نیں۔اوہ ایس حد تک آزاد نہیں ہیگے۔ جدوں تک اوہ ایہدے توں پِچھا نہیں چھڑوندے تے ایہنوں چھڈدے نہیں۔ مثال دے طور بڑے افسوس نال ایہہ کہنا پیندا اے پئی اوہناں دے خاندان ، اوہناں دیاں کلیسیاواں تے اوہناں دے یار بیلی اپنے بھیڑے نفسانی تے جانوراں وانگر ورتاوے نال اوہناں نوں نشانہ بنوندے نیں۔

 

ہن دا تے اوس ویلے دا نقصان

اگر ہن اسی اِک بوہت وڈا نقصان کر لینے آں۔تے ایس نقصان نوں تے اوس نقصان نوں اگر پرکھیے۔ جدوں تخت دے سامنے سدے جاواں گے۔ کتاباں کھُلن گیاں۔ اوس ویلے نوں اکھاں دے سامنے لیاؤ۔ جدوں جھوٹ ، حقیقتاں نوں بھنن تروڑن ، تے جذباتی طوفاناں دی اجازت نہیں ہووے گی۔تے ساریاں کلیسیاواں نوں دسیا جاوے گا۔ پئی اوہناں نیں اپنیاں حیاتیاں وچ کیہہ کیتا اے۔ تے اوہناں دوجیاں نال کیہہ کیتا اے۔

 

ایہوں ای اوہ گل اے۔ جیہدی وجہ توں خُدا ساہنوں معاف نہیں کردا۔ ’’ ٹھیک اے‘‘ خُدا کہندا اے۔ ’’ جتھوں تک دوجیاں دا تعلق اے اگر تُسی اوہناں نوں معاف نہیں کردے تے اوہناں دے قصور بھلوندے نہیں۔ تے ماضی نوں نہیں چھڈدے۔ فیر جتھوں تک تہاڈا تعلق اے میں وی معاف کرن توں تے بھُلن توں انکار کر دیواں گا۔ تے ماضی نال چمٹیا رواں گا۔ تے تہاڈی دیکھ بھال دے خلاف ہو جاواں گا۔‘‘  صلیب ساہنوں ایہنان ساریاں منفی اثراں توں تے غیر اخلاقی کماں توں دور رکھ سکدی اے۔ خُدا رحیم  تے کریم تے مہربان اے۔ اگر اسی اوہدے (خُدا) توں دور رہنے واں۔ تے ایہہ بڑی سادہ جیہی گل اے پئی اوہ ساہنوں ایہناں اثراں توں نہیں کڈھے گا۔ اگر اسی ضد مار لینے آں تے چالاک بنن دی کوشش کرنے آں۔ تے معاف کرن تے بھُلن توں انکاری آں

 

© 1999-2020 by God's Point of View.

  • Facebook Social Icon
  • YouTube Social  Icon