دعا دے معنی دی اہمیت
ریورنڈ ۔ڈی ۔ارل کرپ، پی ایچ۔ ڈی۔
خداوند یسوع مسیح نے باپ کولوں دعا دیاں کئی مثالاں دتیاں نیں ۔ ساہنوں ایہہ کیوں کرنی چائی دی اے تے ایہہ کیویں کم کردی ہے۔ آؤ ایہناں وچوں کجھ نوں اسی ویکھنے آں۔
لوقا 1:18 فیر اوہنے ایس لوڑ پاروں پئی ہر ویلے دعا کردے رہنا چائی دا اے تے حوصلہ نہیں ہارنا چائیدا۔ اوہناں نوں ایہہ مثال دتی پئی
لوقا 2:18 کسے شہر وچ اِک قاضی رہیندا سی۔نہ ای اوہ خُدا کولوں ڈردا سی تے نہ ای اوہ کسے بندے دی کوئی پرواہ کرداسی۔
لوقا 3:18 تے اوسے ای شہر وچ اِک بیوہ رہندی سی جیہڑی اوہدے کول آ کے ایہہ کہندی رہندی سی۔ پئی میرا انصاف کر کےمینوں مُدّعی کولوں چھڑوا۔
لوقا 4:18 اُوہنے کجھ ویلے تک تے نہ چاہیا۔ فِر آخر اوہنے اپنے دِل وچ کہیا میں خُدا کولوں وی نہیں ڈردا تے نہ ای بندیاں دی کجھ پرواہ کرنا واں۔
لوقا 5:18 فیر وی ایس لئی پئی ایہہ بیوہ مینوں ستوندی اے میں ایہدا انصاف کراں گا۔ کِتے انج نہ ہووے پئی ایہہ بار بار آ کے اخیر وچ میرا نک وچ دم نہ کر دے۔
ایہہ سبق دعا دے بار وچ اے۔ جس طراں ایہہ صرف دعا دے متعلق ای نہیں۔ بلکہ ایہہ بڑے احترام دے نال دعا بے شک اِک عمل اے۔ایہہ ساہنوں کہہ رہیا اے۔ کہ جیہڑا ساہنوں اوکھے حالات وچ غصے تے ناراضگی وچ ہتھ چُکن تے مجبور کر دی اے۔ پر ساہنوں ایہہ نہیں کرنا چائی دا۔ ایہہ اِک بڑا پسند کیتا جان والا تے فائیدے والا متبادل اے۔ تے ایہہ خُدا کولوں دعا کرنا ایں، ایس مثال وچ اِک بیوہ وچاری ایویں دی حالت وچ سی جیہدی ہر صورت وچ حل دی لوڑ سی۔
پکے ارادے دی لوڑ
ایس مثال وچ اِک مسئلہ اے۔ پئی اوہدی مدد دا صرف اِک ای حل اوہ کٹھور تے بےدین مُنصف سی۔ جیہڑا صرف دولت، مرتبے ، تے شہرت لئی کم کردا سی۔ اوہنوں لوکاں دی کوئی پرواہ نہیں سی۔ اوہنوں خُدادا وی کوئی ڈر نہیں سی۔ اوہنوں انصاف کرن وچ وی کوئی دلچسپی نہیں سی۔ لوکاں دے نال جو کجھ وی ہو جائے اوہ اوہداالزام اپنے آپ تے نہیں سی آن دیندا۔اوہ انصاف دا انتظام نہیں کردا سی اوہ کسی وی قسم دی کوئی تکلیف نہیں سی سہندا۔ پر اوہ وچاری بیوہ اوہنوں ایس طراں کرن نہیں سی دیندی۔ اوہ ٹٹُے ہوئے دِل دے نال ایس سب کجھ نوں ٹلن نہیں دینا چاوندی سی۔ اوہ بار بار آوندی سی تے اپنی اوکھیائی دی بھیک منگدی سی جیہڑا اوہدے مسئلے دا حل سی۔
چیخ و پکار دے پہیے نوں چکنائی دی لوڑ اے
آخر کار مُنصف نے اپنے آپ نوں کیہا ’’ مینوں ایس بیوہ دی کوئی پرواہ نہیں۔ تے مینوں ایمانداری تے انصاف وچ وی کوئی دلچسپی نہیں۔ مینوں ایس گل دا کوئی ڈر نہیں پئی خُدا میرے نال قیامت دے دیہاڑے کیہہ کرے گا۔ ایس عورت دا پاگل پن وددھا جا رہیااے۔ اگر میں ایہدے کولوں جان چھڑون بارے کجھ نہ کیتا۔ تے ایہہ میرا نک وچ دم کر دئے گی۔ ایہہ میری موت دا کیڑا بن جائے گی۔ ایہنوں قابو کرن دا صرف اِک ای طریقہ اے پئی جو کجھ ایہہ کہندی اے میں اوہ کر دوّاں۔ شاید ایہہ فیر میری جان چھڈ دوئے۔ تے مینوں کلیاں چھڈ دوئے۔‘‘ فیر اوہنے اوہدی مرضی دے مطابق اوہدا مسئلہ حل کر دتا۔ تے شاید اوہ چلی گئی ہووے گی۔ تے اوہنوں کلیاں چھڈ دتا ہووے گا۔
اِک ہور انوکھی مثال
اےتمثیل اوہناں وچوں اِک اے۔ جتھے لوکاں نوں سمجھناں تھوڑا اوکھا اے۔یسوع مسیح اپنے گل لوکاں تک پنچون لئی ایویں دیاں بھدیاں تے بے ڈھنگیاں مثالاں کیوں ورتدا اے۔ جیہڑا ہن شاید دوہرا اے۔ اِک شاید ایہہ وے پئی لوک ایس طراں دیاں زمینی مثالاں نوں سمجھن تےنقطئہ نظر نوں سوکھے طریقے نال سمجھ جان۔ تے دوجا ایہہ وے پئی یسوع مسیح سُتے ہوئے تے بے غرض سُنن والیاں نوں ذرا جھٹکا دینا چاوندا سی۔ تاں جو اوہ جاگن تے حیران ہون پئی یسوع کس طراں دی دُنیا بارے گل کر رہے نیں۔
کسے وی مسئلے وچ ، اوہدا محرک کوئی وی ہووے، یسوع مسیح اپنے شاگرداں نوں سنن ول لیوناں چاوندا سی۔ پئی ایہہ مُنصف کیہہ کہہ رہیا اے۔ تے ایہہ کہ ایہدے توں سبق سِکھو۔
لوقا 6:18 خُداوند نےکیہا سُنو ایہہ بے انصاف قاضی کیہہ کہہ رہیا اے۔
لوقا 7:18 فیر کیہہ خُدا اپنے برگزیدیاں دا انصاف نہیں کرے گا۔ جیہڑے رات دِن اوہدے کولوں فریاد کر دے نیں؟ تے کیہہ اوہ اوہناں بارے دیر کرے گا؟
لوقا 8:18 میں تہانوں کہنا واں پئی اوہ جلدی اوہناں دا انصاف کرے گا۔ فیر وی جدوں آدم دا پُتر آوے گا تے کیہہ دُنیا تے اوہ انصاف ویکھ پائےگا؟
یقینی طور تے یسوع ساہنوں ایہہ نہیں دس رہیا۔ پئی خُدا بہت عقلمند اے۔ پئی اوہ اپنے لوکاں دا کسے وہ طراں خیال نہیں رکھدا۔ پئی اور ایمان داری وچ دلچسپی نہیں رکھدا۔ تےاوہدےولوں اپنی مرضی دا فیصلہ لین لئی اوہدا دروازہ کُٹن دی لوڑ اے۔ جد تک اوہ پریشان نہ ہو جاوے۔یسوع مسیح صرف اِک ہور نقطہ ویکھ رہے سن۔ اگر تسی خُدا کولوں لینا چاوندے او۔ تے اوہ تہاڈے ولوں اِک بَلدی ہوئی تے سڑدی ہوئی خاہش ، اِک مضبوط صلاح یا کوئی ایویں دی گل جیہدے بغیر تُسی کجھ نہیں کر سکدے ہونی چائیدی اے۔ تہانوں خُدا کولوں کدی کدھار نہیں منگنا چائیدا۔ ’’ اچھا ایہہ ہووے یا اوہ پر ودھیا ہونی چائیدی اے۔ اگر ایہہ کرن نال تہانوں تہاڈا راہ صاف نظر آوندا اے۔ اگرچہ مینوں کجھ کہنا چائیدا اے۔ پئی پہلا راہ ہووے یا دوجا اصل وچ ساہنوں بوہتا فرق نہیں پیندا۔‘‘ خُدا بوہت زیادہ روجھیا نہیں پئی ساہڈی سُن نہ سکے۔ پر ایس طراں دی ادھے دِل تے لاپرواہی توں موہ لئے جان لئی ، بوہت ساریاں گلاں تے غور کرن دی لوڑ اے۔ جیہڑیاں گلاں دے لوڑ اے۔اوہ جنہاں نوں حقیقیت وچ تُسی چاوندے او۔ اوہناں لئی خُدا دے کول جاؤ۔ فیر چمبڑے رہن لئی تیار ہو جاؤ۔ ایہہ کہن دا وی اِک رویہ اے۔ ’’ جدوں تک تہانوں ردِعمل نہیں مل جاندا۔‘‘ پر میرا نہیں خیال پئی ایہہ ٹھیک اے۔ اسی ایس مثال توں ایہہ کڈھ سکنے آں۔ اگر تُساں ایہہ کیتا تے میرا خیال اے پئی تُسی اصل گل توں اُکھڑ جاؤ گے۔ یسوع مسیح دا ایہو ای نقطہ اے۔ اپنیاں لوڑاں تے ایمانداری دے حوالے نال خُدا دے لوکاں دے نال رویّے دے متعلق کجھ نہ کریے۔ چنگا رویہ تے وابستگی تے اپنے آپ نوں جوڑے رکھن ورگیاں خوبیاں اوس بندے وچ ہونیاں چائیدیاں نیں۔ جیہدیاں ساریاں لوڑاں پوریاں کرن والا خُدا اے۔خُدا جواب دیوے گا۔ پر ساہنوں صرف ایہہ حق اے۔ پئی اسی جواب نوں قبول کریے اگر اسی اوہدے بارے وچ مُخلص آں۔ اگر اسی اوہنوں کل بھُل جانے واں شاید ایتھوں ای شروع کرنا ساہڈے لئی بوہت خاص اے۔ یا شاید جیہدی ساہنوں لوڑ اے اوہدی لئی حقیقیت وچ اساں سوچیا ای نہیں۔
ایس بارے وچ میری اپنی گواہی
ایس طراں دے حالات ہمیشہ بڑے فریبی ہوندے نیں۔تے کجھ لوکاں دے ولوں ایس نوں بوہت بھیڑا بنا کے پیش کیتا جاندا اے۔ اپنا چہرہ اوس طراں دی ای سامنے لیاؤ جس طراں دے تسی او۔ پر میں اینہوں ہر حال وچ کرن جا رہیا واں۔وگڑے ہوئے مسیحی دے وانگوں 14 سالاں وچ میری ماں تے میرے پیو نے ایمانداری دے نال دُنیا دے ہر دِن میرے لئی دُعا کیتی۔ تے اوہناں نیں دُعا کرنا چھڈیا نہیں سی۔ 14 سال تک ! آخر اِک دِن اوہناں دیاں دعاواں دا جواب مل گیا۔خُدا نے مینوں وکھرا کر لیا۔ تے میں گوڈیاں پرنے ہو گیا۔ میں گزرے 45 ورہے اوہدی خدمت وچ نہیں کڈھے ہندے۔ تے میں اج دے دن تک خُدا دا خادم نہ ہوندا۔ اگر میرے ماں باپ نے ڈھیٹ بن کے مضبوطی نال دعا نہ کیتی ہوندی ۔اوہ بڑی آسانی نال خُدا دی چُپ نوں ویکھ کے دعا کرن توں پچھاں ہٹ سکدے سن اوہ جاندے سن کہ خُدا چھیتی یا کوّیلے جواب ضرور دیندا اے۔تے اوہنے جواب دتا وی۔ ایہہ بوہت زبردست جواب اے۔ تے میں اوہنوں بڑے ڈرامائی طریقے وچ ویکھ رہیا واں۔ جیہڑا ایتھے یسوع مسیح نے کہیا اے۔
اِک ہور مثال
لوقا 5:11 فیر اوہنے اوہناں نوں کہیا تہاڈے وچوں کون اے جیہدا اِک بیلی ہووے تے ادھے رات نوں اوہدے کول جا کے اوہنوں کہوے یار مینوں تِن روٹیاں تےدے دے۔
لوقا 6:11 کِیُوں جو میرا اِک یار پینڈا کر کے میرے کول آیا۔ میرے کول کجھ وہ نہیں پئی میں اوہدے اگے رکھاں۔
لوقا 7:11 تےاوہ اَندروں ای جواب چہ کہہ دئے پئی مینوں تنگی نہ دے۔ ہن دروازہ ٹُوہپ گیا اے۔تے میرے مُنڈے بسترے تے پئے نیں۔ تے میں اُٹھ کے تینوں کجھ نہیں دے سکدا۔
لوقا 8:11 مَیں تہانوں کہینا واں پئی اگر اوہ ایس سبب نال پئی اوہ اوہدا یار اے۔ تے اُٹھ کے اوہنوں نہ دوّے فیر وی اوہدی بے حیائی دے سبب توں اُٹھ کے جنی اوہنوں چائیدی اے اوہنوں دوّے گا۔
ایہناں چوّیں آیتاں وچ خُداوند یسوع مسیح جیس نقطے تے گل کر رہے نیں اوہ بوہت سادہ اے۔
اِک تھکون والا دن ختم ہویا۔ ہن تُسی پُر سکون ہو کے اپنی بیوی نال بڑے آرام نال اپنے بسترے تے او۔ تے ادھی رات ویلے بڑی مِٹھی نیند سُتے پئے او۔ پر بڑے زور زور نال بوہوے نوں کھڑکون دی وجہ نال تہاڈے سُفنے وچ بڑے بُرے طریقے نال دخل اندازی ہوندی اے۔ پر تُسی بڑے غصے نال اُٹھ کے ویکھن لئی جاندے آو۔ پئی ایہہ کون اے۔ جیہڑا ادھی رات ویلے مشکل کھڑی کر رہیا اے۔ ایہہ تے ساہڈا گواہنڈی اے۔ جیہنے تہانوں بار نکلن تے مجبور کر دتا اے۔ تُسی اپنے غصے نال بھری ہوئی آواز تے قابو پاوندیاں ہوئیاں اوہنے سختی نال کہندےاو۔رات بڑی ہو گئی اے۔تے پورا ٹبّر اپنے بستریاں وچ اے۔ تے سوں گئے نیں۔ تُسی اوہ کرن لئی جیہڑا اوہنے کہیا رات نوں اُٹھ کے اپنے ٹبّر نوں پریشان نہیں کر سکدے ایہہ عرضی نرّی نا معقول اے۔
پر اوہ بندہ ڈٹیا رہندا اے۔ اوہ پریشانی وچ اے۔ غیر متوقع طور تے ایس جگہ تے اوہ ظاہرکردا اے۔پئی اوہنے بھُک دی حالت دی وجہ نال کوشش کیتی سی۔ تے اوہدے گھر وچ کھان نوں کجھ نہیں اے۔ اوہ تہانوں پریشان کرن توں نفرت کردا اے۔ جیس طراں کہ تُسی وی پریشان ہون توں نفرت کردے او۔ پر ہن ساہنوں کیہہ کرنا اے؟ تُسی اوہدی کِنج مدد کرنا چاوندے او۔
کیہہ تُسی اوہدی مدد کردے اور یا نہیں کردے؟
یسوع مسیح ایس بوہت ای خراب واقعہ دے منظر نوں بڑے ای ڈرامائی طریقے وچ پیش کردے نیں۔ جیہڑا ایس مثال دے سارے ویکھن آلے تے سنن آلے اوس بندے دی مایوسی نوں سمجھ سکدے نیں۔ جیہڑا ادھی رات دے ویلے اپنے بسترے توں اُٹھ دا اے۔ پر اوہناں دیاں دِلاں وچ اوس وچارے غریب لئی وی ہمدردی اے۔ تے جاندے نیں۔ پئی اوہناں نوں اوس دی مدد کرنی چائیدی اے۔ کیوں جو اچھا اے۔ اِک بیلی دوجے بیلی دے نال انج ای کردا اے۔ تے ایہو ای او نقطہ اے۔ جیہڑا یسوع مسیح دس رہے نیں۔ اگرچہ تُسی اوس دی ہٹ دھرمی تے ضد دی وجہ توں خوش نہیں او۔پر تُسی کسے وی طریقے نال ایہہ کردے او۔تے جدوں تسی اِک واری پوری طراں جاگ جاندے او تے اپنی ناخوشی تے قابو پا لیندے او تسی اینے ای خوش تے ہمدرد او جیہناں وقت دا تقاضا اے۔
اوہدے لئی ضد
یسوع مسیح کہندے نیں۔پئی اوس بندے دی ضد دی وجہ نال پورا ٹَبر اوہدی مدد کرے گا۔ ایہدا مطلب اے پئی خُدا دی مدد لین لئی ساہنوں اوہدے نال ضدی بن جانا تے ڈٹے رہنا چائیدا اے۔ اچھا اِک بیوہ دی ساہڈی اِک پچھلی مثال وچ جنہیں بڑی سخت دِلی تے بے رحمی نال اِک جج نوں پریشان کر دتا۔آخر کار اوس بندے نے کہیا۔’’ایس عورت توں چھٹکارہ پون دا صرف اِک ای راہ اے۔ پئی جو کجھ ایہہ عورت کہندی اے اوہنوں پورا کر دتا جائے۔ ورنہ ایہہ میرا نک وچ دم کرن والی اے۔‘‘ایسے طراں اوہنوں وی بغیر کسی وقفے توں خُدا نوں کہندے رہنا چائیدا اے۔ کیوں جو اوہ ای اوہناں نوں بدلہ دیندا اے۔ جیہڑے اوہدے سامنے دِن رات درخواستاں کر دے نیں۔ پئی اوہناں نوں کسے شے دی لوڑ اے۔تے اوہ کیہہ چاوندے نیں۔پئی خُدا اوہناں نال کرے۔ تے ایس خیال دی اسی بے قدری نہیں کرنا چاوندے۔ حالانکہ ایہہ اوہ خیال نہیں جیہڑا یسوع مسیح ساہنوں دے رہے نیں۔ اوہ ساہنوں دسدے نیں۔ پئی اگر سخت بندہ، جَلیا بھُنیا ادھی رات دے ویلے اپنے بسترے توں اُٹھدا دا اے۔ تے اوہدے دِل وچ اپنے گوانڈی دی مدد دے لئی کافی ہمدردی ہوندی اے۔ ایس حالت وچ اوس بندے دی دلیری تے تکلیف دہ کم دے باوجود ، یقیناًساہنوں خُدادی مدد دی کافی دیکھ بھال لئی سمجھ بوجھ دے قابل ہونا چائیدا اے۔
پوپُچھنا اِک کُنجی اے
ایتھوں تک جیہڑانقطہ اُٹھدا اے ۔ اوہ ایہہ وے۔ پئی ساہنوں پچھنا چائیدا اے۔خُدا پرستی ساہڈے اندر چنگیاں چیزاں ٹھونسن لئی ساہڈا پچھے پچھے نہیں پھردی۔ ایتھوں تک پئی اسی اوہدے ول توجہ نہیں دے رہے۔ ساہڈیاں ایس بارے وچ سوچاں نیں۔ تے اسی پچھ نہیں رہے۔ ایہہ ایس طراں کم نہیں کردا ۔ تے رسول ساہنوں دسدے نیں۔ پئی اِک وجہ ہور اے۔ جیہڑا اسی خُدا کولوں منگدے آں۔ اوہ پاؤندے کیوں نہیں۔ کیوں جو اسی پُٹھے کماں لئی منگنے آں۔ ساہنوں ایہدے لئی کجھ کرنا چائیدا اے۔ جیہڑا خُدا بدنی سرگرمیاں دے بارے چہ ساہنوں دیندا اے۔ یسوع مسیح ساہنوں دسدے نیں۔ پئی ساہنوں سدھے مقصد لئی منگدے رہنا چائیدا اے۔ بالکل منگدے رہنا چاہیدا اے۔یاد رکھو پئی ایہہ رسولاں دیاں تعلیماں دے سیاق و سباق دے بارے وچ نیں۔پئی ساہنوں دُعا کِنج کرنی چائیدی اے۔ تے ایس دُعا دے نال جُڑیا ہویا ایہہ خاص مقصد اے۔ خُدا دی دعا ایس خاص مقصد وچ بڑی چھوٹی اے۔ پر ایہدا جواب بڑا وڈھا اے۔ خُدا دی مرضی دی حقیقیت نوں سمجھن توں بعد ضرورت منداں دی مدد کرو۔ جیہڑے اوہدے کول بڑی سنجیدگی نال آؤندے نیں۔ اوہ اپنیاں درخواستاں اوہدے کول رکھدے نیں۔جیہدا اظہار ایس مایوس گوانڈی نے کیتا اے۔ یسوع مسیح ایس بڑے وڈے پیراگراف نوں تے بائبل دے وعدیاں نوں جاری رکھدے نیں۔
لوقا 9:11 تے مَیں تہانوں کہنا واں پئی منگو گے تے تہانوں دتا جاوے گا۔ لبھو گے تے مل جاوے گا۔ بوہا کھڑکاؤ گے تے تہاڈے لئی کُھل جاوے گا۔
لوقا 10:11 کِیُوں جوجیہڑا منگدا اے اوہنوں ملدا اے تے جیہڑا لبھدا اے اوہ پاؤندا اے تے جیہڑا کھڑکاؤندا اے اودے لئی کھولیا جاندا اے۔
تے بائبل دے سارے وعدے جیہڑے کِنیاں سالاں توں حوصلہ دیندے پئے نیں۔ دعوت دیندے نیں۔ اوہ تسلی دیندے نیں۔ کسے دا وی ایہدے توں بوہتا مقصد نہیں۔ جیہڑا بائبل نے ساہنوں دسیا اے۔ اوہناں ساریاں گلاں وچوں ایہہ بڑی پُرجوش تے پکی اے۔اگر تُسی منگدے او۔ تے پاؤندے او۔جیہڑا وی خُدا دے کول آؤندا اے اوہدے تے ایمان رکھدا اے تے منگدا اے او پاؤندا اے۔ عبرانیوں 6:11 ایس بارے بالکل واضح اے۔ اوہ خُدا دے لوکاں دے لئی اطمینان دین والے تے اگاہی دین والے دونویں نیں۔ ایمان دے بغیر خُدا نوں خوش کرنا ممکن نہیں۔ جیہڑے خُدا دے کول آؤندے نیں پہلوں اوہناں نوں یقین رکھنا چائیدا اے۔ پئی ایہہ اوہ وے، پئی اوہ ایتھے وے ، اوہ وکھ رہیا اے۔ تے اوہ خیال رکھدا اے۔ تے اوہ اوہناں نوں اجر دیندا اے جیہڑے جان مار کے تے بڑی کوشش نال اوہنوں لبھدے نیں۔ تے ہر کوئی جیہڑا سنجیدگی نال جاندا اے۔ تے خُدا نوں ، اوہدی بادشائی نوں، سچیائی نوں، عقلمندی نوں، علم نوں بڑے جذبے نال لبھدا اے۔ یا اوہ کجھ پاؤندا اے۔ جیہدی اوہ تلاش کر رہے ہوندے نیں۔ اگر تُسی ایہدے تے تھوڑا غور کردے اوہ۔ تے اگائی نوں یاد رکھو۔ تے حوصلہ افزائی نوں وی ’’اسی ایمان وچ چلنے آں نہ کہ اکھاں ویکھے تے‘‘ ایس دے سچ ہون دا یقین اے۔ پئی ساہڈے تجربیاں تے اُمیداں نال کجھ نہیں کیتا گیا۔ خُدا دے قابلِ اعتماد ہون دی اہلیت تے کردار دے نال کجھ کرنا پیّا۔اساں اوہنوں پا لیا۔ اساں اوہنوں حاصل کر لیا۔ ہر کوئی جیہڑا خُدا دے بوہے تے کدی گیا اے۔ تے اوہنوں کھڑکایا اے۔ اوہنے بووا کھولیا ہووے تے اندر لے گیا ہووے۔
اوہ پر ایہہ ہویا اے!
اگر تُسی اوہدے بارے وچ نہیں جاندے تے مسئلہ تہاڈی زندگی ، تہاڈی کلیسیاء ، تہاڈیاں سرگرمیاں ، تہاڈے کپڑیاں دے رنگ ڈھنگ، تہاڈے اوس وقت نال جیہڑا تُسی دعا وچ وقت گزاردے او۔تے اوہ بائبل دے مطالعہ دے نال نہیں اے۔ ایہہ مسئلہ نہیں اے۔ مسئلہ خُدا دے نال تہاڈے اعتماد تے وے۔ ایہہ وعدہ اے۔ اِک بوہت ای مکمل وعدہ ۔ ایہہ نہیں ہو سکدا۔ ایہہ نہیں ہووے گا۔ ورنہ ایہہ کجھ وی نہیں اے۔ یسوع مسیح ایس نقطے نوں اِک ہور وضاحت دیین ول گل ودھاؤندے نیں۔ ایہہ اِک قسم دی مثال اے۔
لوقا 11:11 تہاڈے وچوں کون انج دا باپ اے پئی جدوں اوہدا پُتر اوہدے کولوں روٹی منگے تے اوہنوں روڑا دوّے۔مچھی دے بدلےاوہنوں سپ دیوے؟
لوقا 12:11 یا انڈا منگے تے اُوہنوں ٹھوواں دیوے؟
لوقا 13:11 تے جدوں تُسی بھیڑے ہو کے اپنے بچیاں نوں چنگیاں چیزاں دینا جاندے اوتے آسمانی باپ کولوں منگن والیاں نوں روح القدس کیوں نہ دیوے گا۔
اگر پُتر دا اِک اچھا محبت کرن والا پیو ہووے۔ ( تے یقیناً ، یاد رکھو اسی اوس باپ دی گل کر رہے آں۔جیہڑا ساریاں پیوواں دا پیو اے، بھلائی ، دردمندی، تے رحمدلی آوندی اے) اوہ اپنے پُتر نوں اوہ دوّے گا۔ جو کجھ او منگے گا۔ آخر کار اوہ اپنے پُتر لئی بڑا اچھا ، فائیدے تے کم والا پیو اے۔ ایس طرح دی گل بات وچ اسی کہیہ حاصل کر لینے آں پر ایتھےایہہ ضروری نہیں۔ بیٹا روٹی تے انڈہ منگے گا، اوہنے چن تے نہیں منگنا۔ اوہ کھانے دی اِک چھوٹی جیہی بُرکی منگے گا۔خداوند یسوع مسیح ساہنوں کہندے نیں۔ ’’ کیہہ ایس حالت وچ ساہنوں خُدا دوّے گا‘‘ پُتر دی جیہڑی لوڑ اے کیہہ او اوہنوں دوّے گا؟ اوہدی لوڑ کیہہ اے؟ کیہہ اوہ اپنے پُتر نوں کجھ دوّے گا۔ جنہوں اوہ کھا نہیں سکدا۔ جیہڑی اوہدے لئی نقصان دہ وے ۔ یا اوہ شاید اوہنوں جانوں ای مار دوّے؟ یسوع ایہدا جواب نہیں دیندا کیوں جو اوہنوں جواب دیین دی لوڑ ای نہیں۔ اوہ اپنے سوال وچ ای ایہدا جواب دیندا اے۔ اوہ اوہناں شاگرداں نوں پُچھدا اے۔’’اگر تُسی اِک خطا کرن والے ، خود غرض ، گستاخ تے آدم دی فطرت رکھدیاں ہوئیاں بڑی کوشش کر کے اپنے بچیاں نوں اچھیاں چیزاں دیندے او۔ کیہہ تُسی نہیں جاندے پئی تہاڈا آسمانی پیو اپنے منگن والے بچیاں نوں بوہت زیادہ نہیں دیوے گا؟
پانی دا منبع اُچھلدا اے۔
تے ایہہ کیہہ اے پئی تہاڈا آسمانی پیو ساہنوں اوہ دوّے گا جیہڑا بڑا چنگا اے؟ ایہہ سب توں چنگی چیز اے سب توں چنگا تحفہ اے جیہڑا کہ خُدا دی طرفوں انساناں لئی ممکن ہوسکیا۔ ایہہ تحفہ روح القدس دا تحفہ اے۔ جدوں اِک واری خُدا دے ولوں ایہہ شخص مل جاندا اے۔ تے ساہڈے وچ رہنا شروع کردیندا اے۔ تے ساہڈے خیالاں نوں سدھے پاسے لاوندا تے ساہڈے عملاں دی رہنمائی کردا اے۔ فیر باقی سب کجھ مُک جاندا اے۔