پھل لیون دا وڈا بھیت

ریورنڈ۔ ڈی۔ ارل ۔ کرپ

 

بہت سارے لوک حیرانی وچ پھسے رہندے نیں۔ پئی بادشاہی وچ پھل کس طراں لیون۔ تے یسوع مسیح تے خُدا باپ لئی اپنا پیار تے تعریف نوں کس طراں وکھا سکدے نیں۔ کیہہ ایہہ مذہبی کم کرن نال ہوندا اے؟ کیہہ ایہہ دن وچ اِک گھنٹہ دعا کرن نال ہوندااے؟ کیہہ ایہہ ہر اتوار ایمان نال گرجے جان نال ہوندا؟ کیہہ ایہہ ہفتے والی رات خُدا دے کلام نوں پڑھن نال ہوندا اے؟ یا اپنے گھر وچ دوجیاں نال رل کے بائبل نوں پڑھن دے اگیچ بنن نال ہوندا اے۔ کیہہ ایہہ حیاتی دیاں راہواں تے جان نال، گلی دی نُکر ، خوشی دی خبر دے کم یا جیل وچ انجیل دے گواہ بن جان نال ہوندا اے؟ بڑی چنگی گل اے! ایہہ پکی گل اے پئی اسی انج نہیں چاوندے۔پئی ایہناں ساریاں گلاں دی اہمیت نوں گھٹ کیتا جاے۔یا ایہہ مشورہ دینا اے۔ پئی چنگی حیاتی گزارن لئی ایہہ ضروری نہیں۔ لیکن ایہناں وچوں کوئی وی شاگردیت دے اصلی بھیت توں پردہ نہیں چُکدی۔ یسوع نے ایہہ 9 توں لے کے 13آیت تک ساہنوں دسیا اے ۔

 

یوحنا 9:15 جس طراں باپ نے ساہڈے نال محبت رکھی۔اونج سی میں تواڈے نال محبت رکھی۔تُسی میری محبت  وچ قائم رہو۔

 

یسوع مسیح نے اپنے شاگرداں نال اونج دی محبت رکھی جیویں خُدا باپ نے (جیہنے اوہنوں زمین تے گھلیا تاں جو اوہ چھڑون دا کم کرے) اپنے بیٹے نال محبت رکھی۔ اگر اسی اوہدے تے یقین رکھنے آں تے اسی رکھی وی اے۔تے فیر اوہدی محبت وچ قائم رہنے آں۔ یسوع مسیح دسدے نیں۔ اوہدی محبت وچ قائم رہن دا کیہہ معنی اے۔

 

یوحنا 10:15 اگر تُسی میرے حکماں نوں منو گے۔تے میری محبت وچ قائم رہو گے۔جس طراں میں اپنے باپ دے حکماں نوں منیا۔تے اوہدی محبت وچ قائم رہیا۔

 

کوئی وی بندہ اوس ویلے تک خُدا نال محبت نہیں رکھ سکدا۔ جنی دیر تک اوہ اوہدے حکماں نوں نہیں مندا۔ایس سکے دا دوجا پاسا ایہہ وے۔کوئی وی بندہ اوس ویلے تک روح تے سچائی وچ رہندے ہویاں اوہدا حکم نہیں مندا۔جنی دیر تک اوہدے نال محبت نہیں رکھدا۔ اسی کئی واری اے انج وکھونے آں۔ جیوں اِک گھبرو تے الہڑ مٹیار اِک دوجے دی محبت وچ پھس جاندے نیں۔ اوہ اوہو کجھ ای کردی اے۔ جو کجھ اوہ اوہنوں کہندا اے۔ کیوں جو اوہ اوہدے نال محبت کردی اے۔ اگر ایہدے اُلٹ اوہ کوئی گل نہیں منندی اوہدے لئی ایہہ سب کجھ سمجھنا بڑا سوکھا اے۔کھچ بھانویں جنی مرضی ہووے۔ اوہ اوہدے نال محبت نہیں کردی۔ دوجے پاسے اِک دن اوہ آوندا اے۔ جدوں اوہناں دا ویاہ ہو جاندا اے۔جدون اوہ سارے کم کردی اے۔ جیہرے اوہنے کنے وریاں تو سامنے رکھے ہوئے سن۔کیوں جو اوہ اپنے اندر دیاں قابلیتاں دے حوالے نال ایہہ سمجھدی اے اوہنوں انج ای کرنا چاہی دا اے۔پر اوہ ایہہ سب کجھ زیادہ سمے واسطے نہیں کر پاؤندی۔کیوں جو اوہ اوہدے نال محبت کردی اے۔ سچیائی اپنے آپ بولدی اے۔اوہ ناراض ہوندی اے تے خاہش کردی اے۔ پئی اوہنوں ایس طراں دے کم نہیں کرنے چاہی دے۔لیکن اوہندے کول ایہدے بارے کجھ وجاں ہوندیاں نیں۔ پئی اگر اوہنے انج نہ کیتا تے اوہ چنگی مسیحی نہیں بن سکدی۔ ایہہ اوہدے کردار وچ بڑے گندے طریقے نال ظاہر ہوندی اے۔ غم نال بھری ہوئی کہانی جنہوں ایس کُڑی نال جوڑیا ہویا اے۔پئی اوہ اِک چنگی مسیحی نہیں۔ اپنی ناراضگی وچ دوجے کم کرنا۔نہ ای اوس آدمی نال فرمانبرداری اے تے ناں ای خُدا نال فرمانبرداری اے۔ جیہدا اوہ دعویٰ کر دی اے۔

 

ساہڈے خُداوند یسوع مسیح نال رشتے وچ وی ایہہ سچ اے۔ جدوں پہلے پہل اسی اوہدے ول آئے ساں تے اسی اپنی محبت بارے بڑے پُرجوش ساں اُوہدے نال تےاوہدے لئی اسی بہت کجھ نہیں کر پائے۔ ساہنوں ایس بارے جانن دی کوشش کرنی چائی دی اے۔ کہ اوہ کیہہ چاوہندا اے۔ پئی اسی کریئے۔ جو اسی کر سکنے آں۔ ساہنوں حیاتی وچ اگے ودھن لئی اوہنوں خوش کرنا چائی دا اے۔ جہیہدے نال اسی محبت کرنے آں۔ بدقسمتی نال ایویں دے بہت سارے مسیحیاں دی حیاتی جیہڑے مسیحی ہون دا دعویٰ کردے نیں۔ اوہناں دیاں زندگیاں انج دیاں نیں جیوں کہ کسے گھریلو عورت دی گل کیتی جائے۔ ایہدے وچ کوئی بھیت نہیں اے۔ تے نہ ای کوئی خوشی والی گل۔ پر اسی ایہہ کرنے آں۔ کیوں جو اوہ ایہو ای اے جو اِک چنگا مسیحی کر سکدا اے۔ اوہ ساہنوں اپنیاں خاہشاں تے حیرتاں وچوں ننگن لئی مجبور کردے نیں۔ تے اوس خوشی تے شادمانی دا کیہہ ہویا جیہڑی کدی وی اساں محسوس نہیں کیتا۔ گل ایہہ کہ اگر تُسی یسوع مسیح نال محبت نہیں کردے تے تُسی اوہدا آکھا وی نہیں مندے۔ تے ایہہ پکی گل اے جے تُسی اوہدا آکھا نہیں مندے تے تُسی اوہدے نال محبت وہ نہیں کردے۔ پر فرمانبرداری والے جذبات وچوں ننگن دا معنی ایہہ نہیں کہ تُسی اوہدے نال محبت کردے او۔ ساہنوں یسوع مسیح نال محبت دا اظہار اوہدے حکم من کے کرنا ہووے گا۔

 

یقین تے پیار، ہمدردی نہیں، جذبے تے قابلیتاں

اسی ایتھے جذبیاں دی گل نہیں کردے۔کجھ لوگ دوجیاں توں بوہتے جذباتی ہوندے نیں جدوں انسان اپنی حیاتی دے آخری وریاں وچ ہوندا اے۔ تے اوہدے اندر اوہ گرم جوشی نہیں ہوندی۔ جیہڑی جوانی وچ ہوندی اے۔ بائبل ایہہ کہندی اے۔ جوانی دے خرمستیاں والے دن آون تو پہلوں اوہ ساہنوں ساہڈے بنون والے دی یاد دلون دا حوصلہ ودھونے آں۔ جدوں اسی جوان ہوندے آں تے مسیحی فرمانبرداری وچ بہتے پُرجوش تے بےقراری نال بھرے رہنے آں۔ ایہدی بجائے کہ جدوں ساڈھی حیاتی دے آخری دِن چل رہے ہوندے نیں۔ ایہدا مطلب ایہہ نہیں کہ بُڈھے لوک خُدا دا کہنا نہیں منندے۔ حالانکہ اوہ مندے نیں۔ ایہوای اوہ نقطہ اے۔ جنہوں اسی تراش رہے آں۔ یسوع مسیح نال محبت دا احاطہ جذباتاں نال نہیں کیتا جا سکدا۔ بالکل ایسے طراں اسی سب جاندے آں۔ پاویں اسی یسوع مسیح نال محبت کریے تے اوہدا حکم منیے کیوں جو اسی ایہہ چاہندے آں چاہے محبت کرنا چھڈ دئیے۔ اسی جذبیاں وچوں ننگ رہے ہویے۔اسی ایہہ یقین رکھنے آں کہ ایہہ اوہو ای اے۔ جنہوں کرنا چائی دا اے۔ یسوع مسیح دی محبت شاگردیت دا بھیت اے۔      

                  

یوحنا 11:15 میں ایہہ گلاں تواڈھے نال ایس لئی کیتیا نیں۔پئی میری خوشی تواڈھے چہ ہووے تےتواڈھی خوشی پوری ہو جائے۔

 

یسوع نے شاگرداں نوں ایہہ دسیا۔ کیوں جو اوہ ایہہ چاوہندا سی کہ جو کجھ اوہ کر رہے سن اوہدے وچ اوہ گرم جوشی تے خوشی منان۔اوہ چاوہندا سی کہ اوہناں دے دِل وچ خُدا دا خوف ہووے۔ پر اوہ ڈر تے خوف نوں اجازت نہیں دیندا کہ اوہ اوہناں دیاں زندگیاں وچ زبردست محرک بن جائے۔ اوہ چاوہندا اے پئ اوہدی خدمت کیتی جائے۔ آسمانی باپ دی خدمت کیتی جائے۔ کیوں جو اوہ اوہدے نال محبت کردے نیں۔ تے اوہ ایہناں نال محبت کردا اے۔ کیوں جو اوہدے بچیاں دی بے پھل حیاتی اوہنوں خوش نہیں کر سکدی۔ یسوع چوہندا اے کہ اوہدے شاگرداں دی حیاتی وچ خوشی ہمیشہ رے۔ اوہ چوہندا اے (کہ اجے اوہ اوس مقام تے نہیں اپڑے) جیہڑا وقت آون والا اے۔ جیہڑا بڑا کڑا وقت ہووے گا۔ جدوں نہ ہسیا جائے گا۔ تے ناں مُسکرایا جائے گا۔ تے نہ زندہ دِلی وکھائی جائے گی۔ تے ناں چاننیاں گلیاں وچ چلیا جائے گا۔ یسوع اپنی زمینی حیاتی وچ ایناں نقطیاں وچوں اِک تے سی۔ پر سارا لہو تے اتھرو دے باوجود جیہڑا کہ اوہدا پسینہ ہووے گا۔ پر ایس کم نوں کرن لئی جیہڑے دوجے رستے دی منت اوہنے خُدا دے اگے کیتی۔بائبل دسدی اے۔ کہ ایہہ صرف خوشی دے پاروں اے۔جیہڑی کہ اوہدے سامنے قائم کیتی گئی۔ جیہدے لئی اوہ صلیب تے ڈٹیا رہیا۔ تے شرم نوں نظر انداز کر دتا۔ اوہدے شاگرد ہون دے ناطے اسی کوئی کھیڈ تماشا نہیں۔ بلکہ جے اسی اوہدے شاگرد بننا چاہونےآں۔تے ساہنوں اپنی صلیب چُکنی پوّے گی۔ اوہ مردِ غمناک ، تے غم توں واقف سی۔ اسی اوہدے دُکھ درد وچ میل ملاپ کرن لئی بلائے گئے آں۔ اسی ہر حال وچ خوش ہو سکدے آں۔ چاہے حیاتی ہووے یا موت، یسوع نے اوہناں نوں اپنی محبت بارے دس دتا سی۔ تے اوہدے لئی اوہناں دی محبت وچہ کیہہ فرق سی۔ کیوں جو دہشت نال بھرے ہوئے تے اخیر وچ جان لیوا تجربے زندگی چہ آون۔ تے اوہ نہیں چاہوندا پئی اسی اوہ خوشی گوا دیئے۔

 

ایہو جئی محبت جئی خُدا نے ساہڈے نال کیتی۔

ہن یسوع اوہناں نوں کہندا اے۔ کہ اوہ اوہناں توں صرف ایہہ ای نہیں چاوہندا کہ اوہدی خدمت کیتی جاوے۔ کہ اوہ اوہناں نال ایس طراں دی محبت کردا اے۔جیویں اوہنے تے خُدا نے اوہناں نال کیتی۔ پراوہدا مطالبہ ایہہ وے کہ اِک دوجے نال ایس طراں محبت کرو جیویں اوہ اوہناں نال محبت کردا اے۔ شاگردیت وچ ایہہ ایمان بخشن والی گل نہیں۔ کہ بندہ یسوع مسیح نال ایس طراں دی محبت رکھے۔ جیویں یسوع نے خُدا نال کیتی۔ اِک ادھوری تصویر اے۔ ایہہ ایس بارے وچ اے۔ کہ یسوع دے شاگرد اِک دوجے نال محبت رکھن جس طراں خداوند یسوع مسیح نے اوہناں نال رکھی۔ ایہہ ویکھنا بڑا سوکھا لگدااے۔ اگر اسی انج نہیں کردے تے کم کردیاں ہوئیاں اسی یسوع مسیح نال محبت نہیں رکھدے۔خداوند اک عظیم انسان نیں۔ اوہنے ساڈے واسطے بڑے شاندار کم کیتے۔ اوہدے نال محبت کرنا بڑا سوکھا اے۔ تے کسے وی حالت وچ اوہدے نال محبت کرنا بہت ای سوکھا اے۔ لیکن اوہ جیہڑی خداوند یسوع مسیح نے ساہنوں وکھائی۔ ایس طراں دیاں وجوہاتاں وچ ساہڈا دِل نہیں ودھایا۔ اوہ ساہڈے نال اوس ویلے محبت کردا اے۔ جدوں اسی اِک دوجے لئی کوئی دلکشی نہیں رکھدے۔ تے محبت نہیں کردے۔ ایہہ نہیں کہ اساں اوہدے نال پہلوں محبت کیتی۔ بائبل کہندی اے ‘‘پر اوہنے ساہڈے نال پہلوں محبت کیتی۔’’ ‘‘جدوں اسی گناہگار ای ساں تے او ساہڈے لئی مویا۔’’  پئی اسی اِک دوجے نال محبت کرئیے اگراسی خُداوند یسوع دے تاکستان وچ پھل لیونا چاہنے آں۔

 

یوحنا 12:15   میرا حکم ایہہ وے پئی جیویں میں تہاڈے نال محبت رکھی تُسی وی ایک دوجے نال محبت رکھو۔

 

 ہُن یسوع اوہناں نوں دسدا اے پئی اوہ کس طراں دی محبت سی جیہڑی اور اوہناں نال رکھدا سی۔

 

یوحنا 13:15     ایس توں بوہتی محبت کوئی بندہ نہیں کر سکدا۔ کہ اوہ اپنی جان اپنے یاراں لئی دے دیوے۔

 

ساریاں توں وڈھی محبت اوہ ہوندی اے۔ جدوں کوئی بندہ اپنی جان اپنے یاراں دوستاں لئی دے دیندا اے۔ ایہہ اِک بندے دا جان دینا۔ چارلس ڈارنے نے اپنی کہانی دو شہراں دی کہانی نالوں بوہتی گھیرا پائی ہوئی اے۔ ایہدا مطلب گولی کھان نالوں بوہتا اے۔ تاکہ ارادہ کیتی ہوئی قربانی ، بیوی تے بچیاں لئی گھر جا سکے۔اوہ ضروری تصورات نیں۔ لیکن تہاڈا اپنے یاراں لئی جان دے دینا ایہدے تو کِتے اگے وے۔ایہدا مطلب اوہناں دیاں ضرورتاں وچ اوہناں دی مدد کرنا اے۔ ایہدا مطلب اوہناں نال بُرد بار رہنا اے۔ جیویں کہ اوہ اپنی بُریاں عادتاں تو نکل رہے نیں۔ تے روحانی طور نال مضبوطی ول ودھ رہے نیں۔ ایہدا مطلب اوہناں دیاں زندگیاں دا خیال کرنا اے۔اینا خیال جِنا اسی اپنا خیال رکھنے آں۔ (یا ایس توں وی زیادہ) تے ایس طراں دیاں دوجیاں گلاں۔ جدوں تک اسی قانونی تے حقیقی طور نال اپنے یاراں لئی ایہہ کم کرن واسطے راضی نہیں آں۔ ( حالات تے روح القدس اوہناں نوں جیویں مقرر کرے) اگر اسی اپنے دوستاں نال ایس طراں دی محبت نہیں کردے جیویں دی محبت یسوع مسیح نے ساہڈے نال کیتی ۔ اگر اسی انج نہیں کردے۔ تے فیر اسی اوہدے وچ قائم نہیں۔ اسی اوہدے تاکستان وچ پھل نہیں لیا سکدے۔ تے اوہدے یار وانگروں ورتاؤ نہیں کردے تے پیش نہیں آوندے۔                    

                 

© 1999-2020 by God's Point of View.

  • Facebook Social Icon
  • YouTube Social  Icon