وڈھی مصیبت کہیہ اے؟

ریورنڈ۔ ڈی۔ ارل ۔ کرپ

 

اک بوہت وڈھی مصیبت

اگر  ایہہ چھیکڑلا چھٹکارا اے۔۔ اگر ایہہ اوہ اے  تے بائبل دا ساہنوں دسن دا معنی کہیہ اے۔ فیر دُکھ سہن دے بارے وچ کہیہ اے؟ ایہہ کدوں میرے علم وچ آئی۔ بوہت سارے پڑھن والے ایس بارے وچ بھروسہ رکھدے نیں ۔ ایہہ اک خاص سمے وچ  کلیسیاء دے چُکے جان توں بعد زمین اُتے آؤندی اے۔ میں کنیاں وریاں توں ایہنوں دوجیاں تک پنچون ڈیا واں  ایس لئی میں ایہدی تفصیل دے ساریاں  مرحلیاں توں جانو آں کہ ایہنوں اخیر تک کنج لے کے جانا اے۔  پر دوجیاں  چہ تے تیاڈے چہ فرق اے۔ جیہڑے یقین رکھدے نیں ۔ تے ایس طراں دی تعلیم دیندے نیں۔  میں ایہنوں وکھون وچ بڑا احسان  محسوس کرنا واں۔ پئی  بائبل نے ایس گل نوں بڑے سوکھے اکھراں وچہ نہیں دسیا۔ میں بائبل دے کجھ حصّے تیاہنوں دساں گا۔  تے اوہناں دی تشریح کراں گا۔ جیہڑے ایہدے  اخیر ول  ساہنوں لے جان بارے ساہڈی رہنمائی کرے گا۔

 

متی 21:24  کیوں جو ایس سمے ایہہ بڑی وڈی مصیبت ہووے گی۔ پئی دنیا دے شروع توں لے کے ہون تک نہ ہوئی  تے نہ کدی ہووے گی۔    

متی 22:24    تے اگر اوہ دِن گھٹ نہ کیتے جاندے  تے کوئی بندہ نہ بچدا۔ پر  خُدا دے بندیاں دے واسطے ایہہ دِن گھٹ کیتے گئے نیں۔

متی 24:24   کیوں جو جھوٹے مسیح تے جھوٹے نبی اٹھ پین گے ۔تے ایویں دے وڈے  نشان تے وکھرے کم وکھون گے۔ پئی اگر  منن چہ آوے تے خُدا دے بندے وی ایمانوں اُ کھڑ جان گے۔

 

ایہہ اک بڑا مشہور پیرا ایہہ پئی جیہدے بارے وچ یسوع  شاگرداں نوں دسدا رہیا اے۔ پئی اوہدے آون دے نشان کہیڑے  ہون گے۔ تے دُنیا کنج مُکے گی۔ یسوع نے اوہناں نوں بوہت ساریاں گلاں دسیاں۔تے اوہنے اوس سمے نوں بوہت وڈیاں مصیبتاں دا ویلہ کیہا اے۔ اصل وچ اوہنے اوہناں  نوں دسیا پئی ایویں دی وڈی مصیبت آوے گی۔ جیہڑی اج تک زمین اُتے نہیں آئی۔اوہنے اگے چل اوہناں نوں کجھ چیزاں دے بارے وچ دسیا۔  جیہڑیاں زمین تے اوس سمے ہون گییاں  ۔پراوہنے ایس مصیبت نوں اک خاص ویلے وچ رکھیا اے  جیہڑیاں  اوہناں دی حیاتی وچ ای شروع ہو جان گییاں۔

 

اوہ ایس طراں وی ہو سکدیاں نیں۔ اوہناں وچوں کجھ اسرائیل نال وی واپر سکدیاں نیں۔  پئی اوہدے نال دنیا دیاں دوجیاں قوماں اوہدی بادشاہت کُھس جاون توں بعد کس طراں دا سلوک کرن گییاں۔ تے اوہ اپنیاں گندیاں حرکتاں دے پاروں خُدا دے لوکاں توں وکھ ہو جان گے۔شاید اوہ اوہناں نوں دس رہیا سی کہ اوہ قہر وچ آ جان گے۔ اوہناں دے ہتھاں دے خلاف جہناں نوں خُدا نے اوہناں کولوں لمی دیر توں بچایا سی۔ ایہہ بہت ڈاڈھی ہووے گی۔ ایہہ اوہناں خُدا دے بندیاں دے خلاف نہیں ہووے گی۔ کیوں جو اوہناں نوں زمین توں پوری طراں لُکا لوے گا۔  قومی عہد دی وجہ توں اوہ اجے تک خُدا دے بندے نیں۔ تے ایس طراں دی گل بات بڑی ترتیب نال ہونی چائیدی اے۔ ایہہ پکی گل اے کہ یہودیاں نال جو کجھ ہویا  تے جِدے  تھلے یہودی صدیاں تو سی ایہہ اوہدے وانگوں لگدا اے۔ جد تک خُدا نے اوہناں کولوں بادشاہی نہیں لے لئی۔ تے عہد بدل کے او دوجیاں نوں دے دتی۔

 

جے کوئی ایہدا اہل  نہیں اے۔ فیر وی ایس پیغام  نوں خُدا دے بندیاں دے سامنے ایس توں اگاہی دین لئی پڑھے۔ کہ کہیہ ہون والا اے۔ اوہناں نال ، اوہناں دے ایمان تے خُدا دے نال  پچھانن پئی کہیہ ہون والا اے۔اوہ اوس ویلے بولیا پئی اوہ بندہ  جنہوں اوہنے کئیاں نالوں ودھ کے پیار کیتا۔ اوہ  ٹھر کیا۔ کیوں جو اوہناں دے آسے پاسے بوہت زبردست  ناانصافی ہوندی اے۔ ایہہ اک جانی پچھانی آواز جدوں اسی سننے آں پئی پہلی محبت نال تے کلیسیاء دے کم دے نال کہیہ ہویا تے   کیوں ہویا۔ اوہنے اوس ویلے ایہہ گل وی کیتی۔ پئی بائبل مقدس دی منادی ساری دُنیاوچ ہووے گی۔ دوجے لفظاں وچ یسوع مسیح نے بڑی  مصیبت دے بارے وچ کہیا پئی اے پوری عمر ہوندی روے گی۔ جد تک اے ختم نہیں ہو جاندا، جیویں اے 29 توں لے کے 31 آیتاں تک دسیا گیا اے۔

 

اعمال 21:14  تے اوہ اوس شہر وچ خوش خبری دس کہ  تے بوہت سارے شاگرد کر کے لُسترہ تے اکنیم تے انطاکیہ نوں پچھاں مڑے۔

اعمال 22:14  تے شاگرداں دے دِلاں نوں مضبوط کردے تے ایہہ نصیحت دیندے سن پئی ایمان تے ڈٹے رہو  تے کہندے سن  لازمی اے   پئی اسی بوہت مصیبتاں جھل کے خدا دی بادشاہی وچ داخل ہو ئیے۔

 

ایس پیرے وچ پولوس رسول تے برنباس نےکلیسیاؤاں نوں  اوہناں آزمائشاں  تے مصیبتاں دے تعلق نال  جہیدا اوہناں نوں سامنا رہیا  دے بارے وچ حوصلہ دین دا تے اوہناں دی حوصلہ افزائی کرن لئی تے اوہناں نوں ترغیب دین لئی پئی او اپنے ایمان وچ ڈٹے  رہین گے۔اوہناں نے بادشاہی نوں خُدا دی فرمانبرداری دے ناطے نال پچھانیا ۔تے دسیا پئی جہیڑا  مصیبتاں نوں بوہتا جھلے گا۔  اوہ خُدا دی بادشاہی وچ چلا جاوےگا۔  موجودہ پختگی دا ہونا مصیبتاں نوں سہن دی پچھان اے۔

 

رومیوں 3:5  تےصرف ایہہ ای نہیں بلکہ مصیبتاں وچ  وی  فخر کرو ایہہ جان کے پئی ایہدے نال صبر پیدا ہوندا اے۔

رومیوں 4:5  تے صبر نال  پختگی تے پختگی نال اُمید پیدا ہوندی اے۔

رومیوں 5:5  تے اُمید توں شرمندگی نہیں ملدی کیوں جو  روح پاک جیہڑا  ساہنوں بخشیا گیا اے۔ اوہدے وسیلے نال  خُدا دی  محبت ساہڈے دِلاں وچ پائی گئی۔

 

اک مسیحی صرف ایہہ ای نہ سجھے پئی اپنی حیاتی نوں گزارن وچ صرف مشکلاں نوں سہنا ای نہیں  بکلہ ایہدے توں مزہ لینا وی اے۔ کیوں جو  مصیبتاں چنگیائی لئی ہوندیاں نیں۔ ایہہ صبر نہ کرنا، نا پختگی تے بزدلی ورگے دنیا داری دے کماں تو پاک صاف کر دیاں نیں۔تے یسوع مسیح دے کول لے جاندیاں نیں۔ ایہہ مصیبت ای اے ۔ جیویں  یسوع مسیح نے کہیا اے خُدا دے بندیاں دا انتشار نوں سہنا  کسی  وی چیز توں ساریاں نالوں بو ہتی  اوکھی اے۔ اصل وچ اسی مضبوط ہون دے اہل نہیں آں۔ اگر روح پاک دا حوصلہ تے مضبوطی نہیں اے۔ لیکن اسی ایس دے ناطے نال اپنی مضبوطی دی اہمیت توں کھُسن نہیں دیواں گے۔ ایہدی بہتری دے علاوہ اسی کہیہ کھونے آں

   

رومیوں 35:8 کیہڑا ساہنوں مسیح دی محبت کولوں وکھ کر سکدا اے ؟ مصیبت یا اوکھیائی یا  ظلم یا کال یا ننگا پن یا تلوار؟

رومیوں 36:8 ایسے لئی ایہہ لکھیا پئی  اسی تیرے لئی جان توں مارے  جاندے آں ۔ اسی تے حلال ہون والیاں بھیڈاں دے برابر گنے جاندے

رومیوں 37:8 پر اوہناں ساریاں حالتاں وچ اوس دے وسیلے نال جہنے ساہڈے نال محبت کیتی ساہنوں جت نالوں ودھ کے غلبہ دتا۔

 

اسی ہن والی حیاتی وچ مصیبتاں سہہ رہے آں۔ ایہدی صرف خُدا نے اجازت ای نہیں دتی۔ بلکہ اوہنے ایہہ خاص طور تے ساہڈے لئی بنائی ہوئی اے۔ اسی حلال ہون والی بھیڈ سمجھے جانے آں۔ اپنے آپ دا انکار تے اپنے آپ لئی مرنا نہ صرف دنیاوی بادشائی لئی مرنا اے۔ بلکہ جذباتی تے خیالی طور تے مرنا اے۔  تمام دنیا وی تے ختم ہون والے ہمیشہ تے ازلی خزانے لبھن لئی جان قربان کرن لئی تیار آں۔ کویں دی وی مصیبت ہووے ۔ ایہدی کوئی پرواہ نہیں بھاویں کنی وی ڈاھڈی ہووے ساہنوں خُدا  دی  محبت نالوں وکھ نہیں کر سکدی۔فیر وی اوہ ساہنوں دوستاں تے ساتھیاں دی نظر وچ ساہڈی عزت تے ایتھوں تک کہ ساہڈے  صاب دی نظر توں  وکھ کر سکدی اے۔  خُدا دی خدمت دے صلے وچ ساہنوں اینہاں گلاں نال واسطہ پیندا اے تے پیندا روے گا۔

 

رومیوں 12:12 اُمید وچ خوش، تے مصیبت  نوں جرن والے ۔ دُعا کرن وچ لگے رہو۔

 

ایہہ پیرا گراف ساہنوں دسدا اے۔ پئی ایس دور وچ مسیحیاں نوں مصیبتاں  مننیاں  پین گییاں  جتھوں تک بدلن تے ذہن نوں تبدیل کرن دا تعلق اے۔ اوہناں نوں ایہناں حالتاں نوں  صبر نال گل لاؤنا پوے گا۔

 

 کر۔9:4   میری سمجھ دے مطابق ساہنوں رسولاں نو ں سب توں نکےکہہ کے اوہناں لوکاں دے وانگوں پیش کیتا اے جنہاں نوں قتل دا حکم ہو چُکیا کیوں جو اسی دنیا تے فرشتیاں تے آدمیاں لئی اِک تماشا بن گئے۔

 کر۔12:4 تےاپنے ہتھاں نال کم کر کے مشقت چُکنے آں۔ لوک بھیڑا کہندے نیں تے ستوندے نہیں اسی سہنے آں۔

 کر۔13:4 اوہ بدنام کردے نیں تے اسی منت سماجت کرنے آں ۔  اسی اج تک دُنیا دے کوڑے تے سب چیزاں دی جھڑن دے وانگوں رہے۔

 کر۔16:4  ایس لئی میں تہاڈے  اگے التجا کرنا واں پئی میرے وانگوں بنو ۔

 

رسولاں دے وسیلے نال خُدا ساہنوں اے فوٹو وکھوندا اے۔ پئی کس طراں اوہدے ایماندار بندیاں نوں ایس دُنیا وچ کس طراں دیاں حالتاں دا سامنا کرنا اے۔ ایہہ صرف ماحول دے نتیجے نال ای نہیں ہووے گا۔ خُدا نے اپنے تے ساہڈے جلال لئی ایہدہ انتظام کیتا ہے۔ اسی نہ صرف ایہدی آس رکھیے بلکہ ایہنوں چھلیے وی۔ بلکہ کسے قسم دی خدمت لئی منت وی کرنے آں۔ جیہڑا اوہناں تجربیاں ول ساہنوں لے جاندی اے۔

 

 ۔ کر3:1  ساہڈے  خُداوند یسوع مسیح دے خُداتے باپ دی جے جے ہووے جیہڑا  رحمتاں دا  باپ تے ہر طراں دی  تسلی دا خُدا اے۔

 ۔ کر4:1  اوہ ساہڈیاں ساریاں مصیبتاں وچ ساہنوں  تسلی دیندا اے تاں جو اسی اوہدی تسلی تاں جو اوس تسلی دےپاروں جیہڑی خُدا ساہنوں بخشدا اے۔ اوہناں نوں وی تسلی دے سکیے جیہڑے  کسے طراں دی مصیبت وچ نیں۔  

 ۔ کر5:1   کیوں جو جس طراں مسیح دے دُکھ ساہنوں بوہتے پہنچ دے نیں اوے طراں ساہڈی تسلی وی مسیح دے وسیلے نال  بوہتی ہوندی اے۔ 

 ۔ کر9:1   بلکہ اپنے اُتے موت دے حکم دا یقین کر بیٹھے آں ۔ تاں جو اپنا بھروسہ نہ رکھیے ۔ بلکہ خُدا دا جیہڑا مردیاں نوں زندہ کردا اے۔

 

مقدس پولوس نہ صرف مقدساں دی مصیبت دی ایس حقیقت ، مقصد تے فیدے نوں طاقت دیندا اے ۔ بلکہ ایس دی سختی نوں وی دسدا اے ایہہ مسیحیاں لئی اپنی قدرتی خوبی وچ بڑے عظیم نیں۔ ایہناں تجربیاں وچ موت  دا اصولِ تلافی اے۔ تے اوہدا آسمان تے چُکیا جانا قانون اے۔  اپنے  آپ وچ اوہناں  تے سزائے موت دا حکم ہو چُکیا اے۔ پر خُدا نے اوہناں نوں چُھڑوا دتا۔ اوہنے کیویں چُھڑوایا؟ کہیہ اوہنے خود ایس موت تو ں چُھڑوایا یا کسے بندے نے باہروں آ کے؟  نہیں۔ اوہنے اوہنوں مرن دی اجازرت دتی۔ تے اوہنوں فیر موت توں جوا لیا۔  ‘‘ ۔ ۔ ۔ تاں جو اپنے بھروسہ نہ رکھیے۔ بلکہ خُدا جیہڑا مرُدیاں نوں زندہ کر دا اے۔ ۔۔’’ ایتھے ایذا رسانی دا معنی جسم دی موت دے معنی وچ نہیں اے۔ اگرچہ ایہہ بوہت سارے مقدساں نوں آئی۔ لیکن ایہدامطلب اصلی موت سی۔ جیہڑی خدا دے بندیاں تے اپنے پوری طاقت نال کوشش کردی اے۔ بلکہ ایہدے توں ودھ کے۔ شیطانی دباؤ تے اخلاقی ، جذباتی تے ذہنی بادشاہت تے حملے ایہہ اصلی حملیاں تو گھٹ نہیں ہوندے۔ ایہہ جسمانی  نالوں بوہتے اوکھے ہوندے نیں۔  اصل وچ ایہہ انج لگدا اے پئی اصلی حملیاں نالوں وی زیادہ خطرناک ہوندے نیں۔ پینتی کوست تے روح القدس دے اُترن توں پہلوں خُدا دے لوک ایہناں مشکلاں نوں سہن دے اہل نہیں سن۔ تے اوہناں کولوں ایہہ کرن دے بارے وچ نہیں پوچھیا گیا۔ ایس توں پہلوں اوہناں تے ایس طراں دی کوئی مصیبت نہیں آئی۔تے خوش قسمتی نال خُدا دے بندیاں نال ، جدوں ساہڈیاں درداں دے دن مُک جان گے۔ فیر دوبارہ ایس طراں کجھ نہیں ہووے گا۔  

 

 ۔ کر4:7 میں تہاڈے نال وڈی دلیری دیاں گلاں کرنا واں۔ مینوں تہاڈے تے فخر اے۔ مینوں پوری تسلی ہو گئی اے۔ جنیاں مصیبتاں ساہڈے تے آوندیاں نیں۔ اوہناں ساریاں وچ میرا دِل خوشی نال بھر جاندا اے۔

 

پولوس  مصیبتاں نوں دوبارہ منندا اے۔ جیہڑیاں اوہ مقدساں سے واسطے جھلدا اے۔ تے کہندا اے ۔ پئی اوہ اوہناں دے جت ہون تک ایہناں وچ بہت خوش اے۔

 

 تھس 1:3   ایس واسطے جدوں اسی بوہتا برداشت نہ کر سکے تے اتھینے وچ کلے رہنا منظور کر لیا۔

 تھس 2:3   تے اسی تیمتھیس نوں جیہڑا ساہڈا بھائی تے مسیح دی خوشخبری وچ خُدا دا خادم اے۔ ایس لئی بھیجیا پئی اوہ تہانوں مضبوط کرے تے تہاڈے ایمان دے بارے وچ تہانوں نصیحت کرے۔

 تھس 3:3    پئی ایہناں دی وجہ توں کوئی وی نہ گھبرائے۔ کیوں جو تُسی خود جانندے او پئی اسی اوہناں دے لئی مقرر ہوئے آں۔ 

 تھس 4:3   بلکہ پہلوں وی   جدوں اسی تہاڈے  کول ساں تے تہانوں کہندے ہوندے ساں پئی ساہنوں مصیبتاں چُکنیاں پین گئیاں۔ فیرانج ای ہویا۔ تے تہانوں ایہہ پتہ وی اے۔

 تھس 5:3   ایس واسطے جدوں میں ایہنوں بوہتا سہہ نہ سکیا تے تہاڈے ایمان دا حال پوچھن واسطے بھیجیا۔ ۔ پئی کتے انج تے نہیں پئی پرکھن والے نے تہانوں پرکھیا  تے ساہڈی محنت بے کار چلی گئی۔

 

ایس پیرا گراف نوں جہنوں اسی ویکھنے آں۔ اوہناں دِناں بارے کلیسیاء نوں سکھایا گیا اے۔ پئی ایہناں مشُکلاں نو ں سہنا پوّے گا۔ جدوں ایہہ ہووے گا۔ تے اوہناں نوں ایس بارے وچ حیران نہیں ہونا چائیدا۔یا ایہہ سوچنا  پئی ایہہ بڑی انوکھی تے غیرمعقول گل اے۔اوہ مایوس نہیں سن۔ اپنے ایماں دے ایس جوش نوں جیہنوں گیلا کر دتا گیا ہووے۔ ایتھوں تک کہ اوہناں نوں بوہت کجھ دسیا گیا۔ رسول فیر وی پریشان سن۔ پئی شیطان ہن وی اوہناں نوں ایہناں گلاں دی وجہ توں ہران دا  اہل اے۔فیر اوہنے اوہناں دی دوبارہ حوصلہ افزائی کیتی۔ تے اوہنان نوں ایہہ نصیحت کیتی۔  حیران ہون دی اِک وجہ اے وی سی۔ پئی بوہت سارے مسیحی صدیاں توں شیطان دے جال وچ پھسے ہوئے سن۔ کیوں جو اوہناں نوں باقاعدہ تعلیم نہیں سی ملی۔ پئی کلیسیاء  بڑیاں ڈاہڈیاں مصیبیتاں نوں سہندی اے۔ اوہناں لئی ایہہ اِک بڑا عام جیا تجربہ ہونا چائیدا سی۔ جیہڑے خُداوند یسوع دے نال بالکل نزدیکی تے قریبی ہم آہنگی رکھدے نیں۔ اصل وچ انج محسوس ہوندا اے۔ کہ ایہہ ایویں دیاں مثالاں نیں۔ جیہدے وچ کلیسیاء تے بوہت ساریاں چیزاں حملہ آور ہوئیاں۔ جیویں  نویں دور دیاں دلیلاں مثلاً ایوب دی تسلی ، جیہنے خود بنائی ہوئی تعلیم نوں چھڈ دتا۔ جد کہ ایس نقطہ نظر نوں بائبل نہیں منندی۔ اوہ سارے جیہڑے خُداوند یسوع مسیح وچ حیاتی گزار دے نیں۔ اوہناں  نوں مصیبتاں سہنیاں پین گئیاں ۔پولوس رسول تھمتھیس نوں دسدا اے۔   (2۔ تھمتھیس 12:3 )، اگر اسی اوہدے نال بادشاہی کرنا چاوہنے آں۔   تے ساہنوں اوہدے نال دُکھ سہنا ہووے گا۔ اوہدے لئی دُکھ نہ سہنا اوہدا انکار کرنا اے۔ (2۔تھمتھیس 12-10:2 )۔ ساہنوں ایسے کم لئی چُنیا گیااے۔ کہ اسی اوہدے نال دُکھ سہیے۔  (فلپیوں 29:1 ) ساہنوں سوچ دے  اوس راہ تے پینا پوے  گا۔ اوہ لوکی جیہڑے شہوت  والی حیاتی  ، ناپاک ، اپنے آپ نوں پسند کرن والی زندگی چھڈ کے یسوع لئی دُکھ اُٹھاونا شروع کر دے نیں۔  تے او ہ جیہڑے یسوع دی بادشاہی لئی حیاتی گزارنا شروع کر دے نیں۔  (1۔ پطرس 2,1:4)۔ ایہہ تے اِک عام گل اے۔ پئی مقدس لوکی خُدا دی پرستش  کردے نیں۔ تے اوہ مشکلاں وچوں گزرے نہیں۔ ایہہ نویں دور دے شاگرداں دی بڑی افسوس ناک تشریح اے۔ ایہہ حیرانگی دی وجہ تو ں ہوندی اے۔ اوہ سمجھ دے نیں پئی خُدا نے اوہناں نوں ایس دنیا  لئی چھڈ دتا اے۔ ایس دنیا وچ خداوند یسوع مسیح دے شاگرداں دے دُکھاں دے بارے وچ سچیائی دا انکار کردے ہوئے دُلہن دی محنت دی ذمہ داری ، سہولت تے بوہت زیادہ ابدیت نوں چھڈ دیندے نیں۔ تے ہمیشہ دی بارآوری جیہڑی اوہ لیا سکدے نیں۔ اوہ اوہناں نو لیونی چائیدی اے۔

      

مکاشفہ 9:1  میں یوحنا  جیہڑا تہاڈا بھرا تے یسوع دی مصیبت تے بادشائی تے صبر وچ تہاڈا شریک آں  خُدا دے کلام تے  یسوع دے بارے گواہی دین دی وجہ توں اوس ٹاپو وچ آں۔ جیہڑا پتمس کہلاوندا اے۔

 

ایتھے مقدس یوحنا ایس دی وضاحت کردا اے۔ خُدا دی ایس بادشائی وچ اوہ سارے  خُدا دے برگزیدیاں نوں جیہڑے مصیبت وچ سن۔ تے ہن وی نیں۔ نوں دسناں واں۔ اصل مصیبت دی ایہہ اوہ کہانی اے۔ پئی یوحنا نوں ملکوں کڈھ کے جزیرے وچ بھیج دتا۔ یوحنا  تے کلیسیاواں بادشاہت تے اک ای سمے مصیبت وچ سن۔ جنہاں نوں اوہنے خط لکھیا۔ کلیسیاء دے دور دے شروع وچ دوویں حقیقیاں موجود نیں۔  

 

مکاشفہ 9:2 میں تیری مصیبت تے  غریبی نوں  جانناں  واں۔ (پر توں بڑا امیر ایں) تے جیہڑا اپنے آپ نوں یہودی کہندے نیں۔ پر ہیں نہیں۔ بلکہ شیطان دی جماعت نیں۔ اوہناں دی لعن طعن نوں وی جانناں واں۔

مکاشفہ 10:2  جیہڑے  دُکھ تینوں سہنے پین گے۔ اوہناں توں ڈر ناں۔ ویکھو تہاڈے وچوں کجھ نوں اوہ قید وچ سُٹن والا اے۔تاں جو تہاڈی چھان پھٹک ہووے تے دس دناں  تک مصیبت  چُکو گے۔ جان دین تک وفادار رہ تے میں تینوں حیاتی دا   تاج  دواں گا۔

 

یسوع سمرنا دی کلیسیاء نوں دسدے نیں۔ پئی اوہ اوہدی مصیبت  نوں جانندے نیں۔ اوہ کہندے نیں پئی اوہ  ایس وجہ توں امیر نیں۔ تے اوہناں دی غریبی اوس دی وجہ توں اے۔ اوہنے ایہدے  گھٹ ہون دی کوئی گل نہیں کیتی۔ پر اوہنے اوہناں نوں ایہہ دس دتا کہ اوہنان دی مصیبت دس دِناں تک ہووے گی۔ تے ایس دوراں شیطان نوں ایہہ اجازت ہووے گی۔ پئی اوہناں وچوں کجھ نوں قید وچ سُٹ دوے ۔ تاں جو اوہناں دی آزمائش کرے۔ اوہنے اوہناں نو ں دسیا۔ پئی جان دین تک وفادار رہووگے تے تہانوں زندگی دا تاج ملے گا۔ جدوں اسی ایس باب وچ آؤنے آں ۔ جیہدے ایس مضمون دا تعلق مکاشفہ دے نال اے۔ تے مکاشفہ وچ  ہندسیاں دے استعمال دے متعلق  مزید گل کراں گے۔میں ایتھے ایہدے بارے وچ زیادہ گل نہیں کرنا چاؤندا۔ میں صرف ایتھے  اصطلاح ‘‘ دس دن’’ دے نشان بارے گل کراں گا۔  تے اوہنوں پورا وقت دواں گا۔ پئی اوہ دنیا وچ ہون گے۔ بلاواہ جان دین تک وفادار رہن دا اے۔

   

مکاشفہ 9:7 ایہناں گلاں دے بعد میں نظر کیتی تے کہیہ ویناں واں پئی ہر قوم تے قبیلہ تے اُمت  تے اہلِ زبان دی اک  ایویں دی بڑی  وڈی بھیڑ جہنوں کوئی گن نہیں سی سکدا۔  جہناں  چٹے جامے پائے تے اپنےہتھاں وچ کھجور دیاں ٹہنیاں پھڑیاں ہوئیاں سن تے اوہ تخت تے برّے دے اگے کھلوتے ہوئے سن۔

مکاشفہ 10:7  تے اُچی آواز نال  چلا چلا کے کہہ رہی  سی پئی نجات ساہڈے خُدا دے ولوں اے۔جہیڑا تخت تے بیٹھا اے  تے برّے دے ولوں

مکاشفہ 11:7  تے سارے فرشتے  اوس تخت تے بزرگاں  تے چاراں جانداراں دے آسے پاسے کھلوتے سن۔ فیر اوہ تخت دے اگے منہ بھار ڈِگ پئے تے خُدا نوں سجدہ کر کے

مکاشفہ 12:7 کہیا آمین۔ حمد تے تمجید تے حکمت تے شُکر تے عزت  تے قُدرت  تے طاقت ابدالآباد ساہڈے خُدا دی ہووے۔آمین

مکاشفہ 13:7  تے  بزرگاں وچوں اِک نے مینوں کہیا ۔ پئی ایہہ جہناں  چٹے جامے پائے ہوئے نیں ایہہ کون نیں؟ تے ایہہ کتھوں آئے نیں؟

مکاشفہ 14:7   میں اوہنوں کہیا  اے میرے خداوند ! توں ای جاننا ایں۔ اوہنے مینوں کہیا۔ ایہہ اوہو ای نیں جیہڑے اوس وڈی مصیبت وچوں نکل کے  آئے نیں۔ اوہناں نے اپنے جامے برّے دے لہو نال دھو کے چٹے کیتے نیں۔

مکاشفہ 15:7   ایسے ای وجہ توں ایہہ خُدا دے تخت دے  سامنے نیں۔ تے اوس دے مَقدس وچ دِنیں راتیں اوہدی عبادت کردے نیں . تے جو تخت تے بیٹھا اے۔ اوہ اپنا تمبو اوہناں دے اُتے تانے گا۔

 

یوحنا نے ہر اِک قوم تے اُمت تے اہلِ زبان دے لوکاں دی اِک بڑی وڈی بھیڑ ویکھی۔ جہنوں کوئی گن نہیں سی سکدا ایہدا ایہہ مطلب نہیں پئی  اوہناں دا کوئی شمار نہیں سی۔ لیکن ایہدے برعکس کوئی بندہ ایہہ نہیں جانندا سی  پئی اوہ کنے نیں۔ اوہ یسوع مسیح دے سامنے  کھلوتے سن ۔  اوہناں نیں چٹے جامے پائے ہوئے سن۔  جیہڑے زور وچ ، راستباز رویے تے روح القدس دے تحفے دی نشانی اے۔ اوہناں اپنے ہتھاں وچ کھجور دیاں ٹہنیاں پھڑیاں ہوئیاں سن۔ ایہہ خُدا دے نال اوہناں دے پھل لیون دی نشانی اے۔ اوہ روح القدس وچ جُڑے ہوئے اکِ زبان نیں۔ جیہدے وچ اوہناں نے بوہت وڈی نجات وچ خُدا دی پرستش کیتی۔ جیہڑی اوہناں  نوں بّرے یعنی   خداوند یسوع مسیح دے وسیلے نال ملی۔ اوس عظیم میزبان  نے اوہناں بزرگاں تے جانداراں دے ولوں  پرستش دا  اعلان کیتا۔  ایس وقت میں اوہناں چاراں جانداراں تے بزرگاں دی علامتاں ول آوناں واں۔ کیوں جو اسی بوہت وڈی مصیبت نوں ویکھ رہے آں۔ اوہ اکٹھے میزبانان دیاں آوازاں تے زندگیاں دی وجہ خُدا دی حمد تے تمجید ہووے۔ اوہدی عقل دی وجہ توں اوہدی ستائش کیتی گئی۔ اوہدا شکریہ ادا کیتا گیا۔ اوہنوں عزت دتی گئی۔ تے ساری پرستش اوہدا زور تے بزرگی نال جوڑی گئی۔

 

اِک بزرگ نے یوحنا کولوں پُچھیا  ۔ ایہہ کون لوک نیں۔ ایہہ کتھوں آئے نیں۔ تے ایہناں جیہڑے چٹے جامے پائےہوئے نیں۔ اوہناں دا کہیہ معنی اے۔  تے اوہنے کہیا پئی  اوہ اوہدا جواب نہیں دے سکدا۔ جیہڑا اوہدے کولوں پچھیا گیا۔  بزرگ نے اوہناں نوں دسیا۔ پئی ایہہ اِک بوہت وڈی مصیبت وچوں نکل کے آئے نیں۔ اصل ترجمہ نہیں پڑھیا جانا چائیدا ‘‘ ایہہ اوہو ای نیں جیہڑے نکل کے آئے نیں۔ ’’  بلکہ ‘‘ ایہہ اوہ نیں جیہڑے نکلدے نیں’’ کیوں جو ایہہ اوہ نیں جیہڑے وڈی مصیبت وچوں نکل کے آئے نیں۔  تے اوہناں نوں  خُدا دے سامنے کھلون دی اجازت ملی اے۔تے اوہدے مَقدس وچ دنیں راتیں اوہدی عبادت کردے نیں۔ اوس وڈی مصیبت وچوں نکلن توں بعد اوہناں نے اپنے آپ نوں پاک صاف کر لیا اے۔ اوہناں نے اپنے آپ نوں یسوع مسیح وچ مر کے  تے جی کے راستبازی دا لباس پایا اے۔ ایدا معنی اوہو ای اے۔ جدوں یوحنا کہندا اے۔ ‘‘ اے بچو! کسے دے دھوکے وچ نہ آونا۔ جیہڑا راستبازی دے کم کردا اے اوہو اوہدے وانگوں راستباز اے۔ جیہڑا شخص گناہ کردا اے اوہ ابلیس چوں اے۔ کیوں جو ابلیس شروع توں ای گناہ کردا رہیا اے۔ خُدا دا پُتر ایس لئی ظاہر ہویا سی  پئی شیطان دے کماں نوں مٹائے۔ جیہڑا وی خُدا چوں جمیا اے۔ اوہ گناہ  نہیں کردا کیوں جو اوہدا بی اوہدے وچ بنیا رہندا اے۔بلکہ اوہ گناہ کر ای نہیں سکدا۔ کیوں جو اوہ خُدا چوں جمیا اے۔ ایسے توں ای خُدا دے تے ابلیس دے فرزند ظاہر ہوندے نیں۔ جیہڑا کوئی راستبازی دے کم نہیں کردا اوہ خُدا چوں نہیں۔ اوہ وی نہیں جیہڑا اپنے بھرا نال محبت نہیں کردا ’’ (1۔ یوحنا 10-7:3 )  ایہدا معنی اوہو ای اے جدوں یسوع کہندے نیں۔ ‘‘ جیہڑا غالب آئے میں اوہنوں اپنے خُدا دے مقدس وچ اِک ستون بناواں گا۔ اوہ فیرکدی باہر نہیں نکلے گا تے میں اپنے خدا دا ناں تے اپنے خُدا دے شہر یعنی یروشیلم دا ناں جیہڑا میرے خُدا دے کولوں آسمان توں اُترن والا اے ۔ تے اپنا نواں ناں اوہدے اُتے لکھاں گا۔ ’’ (مکاشفہ 12:3) اصل وچ خُدا نے ساہڈی مسیحی زندگیاں وچ ساہڈے لئی انتظام کیتا۔لیکن ایہہ ساہنوں چنگا نہیں بنائے گا۔ اگر ایس توں فیدا نہیں چُکاں گے۔ جیہڑا خُدا نال  بوہت نیڑے تے قریبی تعلق رکھدے نیں۔ اوہ غالب آوندے نیں۔کجھ وی کرن دے تعلق نال اوہناں نوں مصیبت وچ پکے پیریں رہنا چائیدا اے۔ اوہناں نوں لازمی پکے پیریں رہنا چائیدا اے۔ اوہناں نوں اوہدے اُتے غلبہ پون لئی اپنے آپ نوں ثابت قدم رکھنا اے۔ اوہناں نوں ایس لئی وی پکے پیریں رہنا اے پئی کتے اوہ اوہناں تے غلبہ نہ پا لوے۔ پر اوہناں نوں اپنے ایمان وچ پکے تے اٹل رہنا چائیدا اے۔برّے دے لہو نال اسی شیطان تے ، تے مصیبتاں تے غالب آ سکنے آں۔ جیہڑے ساہڈیاں روحاں دے دشمن نیں۔ ایہہ مستقبل دی گل نہیں۔بلکہ ایہہ موجودہ دور دے بارے دی گل اے۔ پئی ایہہ پورا مقصد اے۔ ایہہ بھید خُداوند یسوع مسیح نیں ساہڈے اُتے کھولیا۔ تے ایہہ کس طراں اوہناں لئی جیہڑے اوہدی فرمانبرداری کردے تے اوہدی پیروی کردے نیں۔ ایہدے نال کوئی فرق نہیں پیندا۔ پئی ایہدی کہیہ قمیت دینی پیندی اے۔ ایسے لئی چٹے جامیاں تے کجھور دیاں ٹہنیاں توں راستباز تے پھلدار حیاتی دی ساہڈے لئی تصویر کھچی۔ ایہہ ذاتی چھٹکارے لئی تھوڑا جیہا چناؤ نہیں اے بلکہ شروع توں  لے کے دنیا دے خاتمے تک یسوع دی کلیسیاء دی وفاداری اے۔ ایہہ سچیائی اے جیہڑی مکمل طور تے اوہدے نال اے۔جیہڑی اساں یسوع تے اوہدے رسولاں دیاں تعلیماں توں دوبارہ نظر پائی اے۔

 

کوئی شخص ایہہ سوچ سکدا اے۔اوہدے کول انکار دی وجہ نہیں ہو سکدی۔ رسولاں دے اذیت چُکن ، تے کئی صدیاں توں ایمان دے شہیداں دے ذریعے بوہت وڈی مصیبت اکٹھی ہوئی۔ ایہہ اوہدے وچ مِل جان گے۔ جنہاں دیاں گردناں وڈیاں گئیاں ، جیہڑے تلوار نال قتل کیتے گئے۔ ، جیہرے جنگلی جانوراں وانگوں شکار کیتے گئے۔ جیہڑا تارکول وچ ڈُب رہیا سی اوہدا تماشا بنا دتا گیا۔ تے نیرو دے باغ وچ چراغاں دی طراں بال دتے گئے۔  اوہناں نال جنسی زیادتی ، وحشتناک سلوک کیتا گیا۔ تے اوہناں تے تشدد کیتا گیا۔تے دنیاوی لوکاں دی مدد نال اوہناں نوں میدان وچ قتل کر دتا گیا۔ تے اوہناں تے ذہنی ، جذباتی ، تے جسمانی تشدد کیتا گیا۔ تے اوہناں نوں ذلیل کیتا گیا۔ جیہناں نوں شیطان تے اوہدے پیروکاراں نے ایجاد کیتا اے۔ اوہناں نوں یقین اے۔ پئی ایس طراں دیاں مصیبتاں جیہڑیاں اوہناں اُتے آئیاں نیں اوہ اوہناں نوں موجودہ دور وچ خُدا دی پیروکاری دے قریب تے نیڑے لے جاندی اے۔ تے اوہناں لئی عظیم اجر اے۔ جیہڑا اوہناں نال وعدہ کیتا گیا سی۔ جیہڑے اپنی مرضی نال خُداوند تے موت نال نجات دہندہ دی پیروی کردے نیں۔ ایس نقطہ تے بولن لئی احتیاط دے نال اِک سادہ نوٹ دی ضرورت اے۔ اگر خُدا اپنے بندیاں دے بارے وچ ارادہ رکھدا تے جاندا اے۔پئی توقع کیہہ اے۔ ردِعمل کیہہ ہووے گا۔ تے برداشت دا اجر کیہہ ہووے گا۔ پئی اوہنے نہ صرف کلیسیاواں نوں خطاں وچ بائبل دے حکم دتے۔ بلکہ اپنے شاگرداں نوں ایہہ وکھون لئی یسوع مسیح دا مکاشفہ دتا۔ پئی ایہہ کس طراں ہووے گا۔ کیہہ تہانوں تے مینوں اوس تسلی دا انکار کر دیاں ہوئیاں احتیاط نال کم نہیں لینا چائیدا۔ایہہ غلطی بڑی سنجیدہ اے۔ پئی لوکاں نوں اوہناں الہامی تشریحاں کولوں دور رکھیا جائے۔ تے ایمان نال ساتھ چھڈ دینا پئی اوہناں دا یسوع مسیح لئی دُکھ اُٹھانا بالکل نہیں ہونا چائیدا۔ یا اگر ایہہ ہو جائے فیر ایہہ واضع یا بامقصد نہیں ہون گے۔ تے ایہہ کہ حقیقی وقعت تے یسوع مسیح دے واسطے بوہت وڈی مصیبت وچ ، دُکھاں دی برکت ، دوجے دور وچ دے لوکاں دے متعلق ہون گییاں؟ میرا یقین اے پئی اگر ایسے طراں دی تعلیم دینا اِک غلطی اے ، تے ایہہ اِک وحشت اے۔ تے میں چاہنا واں پئی ایس طراں دی تعلیمات لئی بائبل دے جامع جواز ویکھاں تہاڈی بائبل وچ کتھے کہیا گیا اے۔ پئی کلیسیاء تے مصیبت نہیں اے۔ تے مصیبت نہیں سی تے مصیبت دی اصطلاح دے بارے وچ سوچ نہیں اے۔ تے بوہت وڈی مصیبت دا تعلق کسے ہور عہد یا دور نال اے۔ اِک واری فیر تُسی مغلوب ہوگئے ہو۔ یا مینوں تے انج لگدااے۔ پئی ایہہ مکاشفہ دی عظیم علامتی کتاب دی منطقی ، مادی وضاحت جئی تعلیم دی تلاش کرن دی کوشش کیتی اے۔ اگرچہ مکاشفہ انج دی تعلیم بالکل نہیں دیندا ۔ مکاشفہ نہیں کہندا پئی ‘‘ ہزار سالہ بادشاہت ’’ یسوع مسیح دی دوجی آمد دے بعد ہووے گی۔ ۔ ایہنوں دوجی واری پڑھو تے بڑے غور نال پڑھو۔ شاید ایہدا اوہ معنی ہووے جیہڑا تسی سوچدے او۔ پر جو ایہہ کہندا اے اوہ انج دا نہیں۔

 

ایہہ بڑی مصیبت کدوں ہووے گی؟ ایہہ پینتی کوست دے دِن شروع ہوئی۔ جدوں کلیسیاء دا چھٹکارا حقیقیت بن گیا۔تے ایہہ خداوند یسوع مسیح دی دوجی آمد دے وقت ختم ہو گئی۔ جیویں کہ ہر چیز ایہہ آخری چھٹکارا ای کردا اے۔

 

ایہہ وڈی مصیبت کیہہ اے؟ ایہہ ایس دنیا وچ یسوع مسیح دی خاطر مخالفت یا ایذارسانی یا دکھ اے۔ جیہڑا ہر ایمان یافتہ مسیحی دی برداشت دے لئی مقرر اے۔

 

ایس طراں دی وڈی مصیبت ایس توں پہلوں کیوں نہیں سی۔ کیوں جو وقت دے پورے ہون دے چھٹکارے دے درمیان شیطان نوں قہرو غضب دے نال ساہڈے خلاف ایہہ اختیار دتا گیا اے۔ جیہڑا ایس توں پہلے نہیں دتا گیا سی۔ تے کیوں جو ہن روح القدس دے نال اسی ایس اہل واں پئی اسی اوس ایذا رسانی نوں برداشت کر سکیے۔ جیہڑی انسان پہلے برداشت کرن دے اہل نہیں سن۔

 

کیوں ایس طراں دی وڈی مصیبت فیر نہیں ہووے گی؟ کیوں جو جدوں ایہہ چھٹکارے دا عمل ہو جاوے گا۔ ایہہ دُنیا تباہ و برباد ہو جائے گی۔ تے نویں تخلیق دے لئی مشکل تے آزمائش دی کوئی وجہ نہیں ہووے گی۔ جیویں انسانی زندگی وچ اِک ووہٹی نال ہوندا اے۔ خُدا دے خاندان وچ ساہڈی مشقت دا سمے بچے جمے گا۔تے اوہناں وچ پختگی اُٹھائے گا۔ پورا ہو جاوے گا۔ تے لطف اندوز ہون دے ویلے مکمل ہوندا ہویا ساہڈے سامنے ہمیشہ لئی پھیل جاوے گا۔               

 

© 1999-2020 by God's Point of View.

  • Facebook Social Icon
  • YouTube Social  Icon