”یسوع دے نال جُڑے رہنا “دا کہیہ معنی اے؟

ریورنڈ   ڈی ۔ارل ۔ کرِپ  پی ایچ ڈی

 

اسی پینتی کوست توں بعد دے سمے وچہ رہ رہے آں تے رسولاں نے سانوں اے صلاح د تی اے پئی یسوع دے نال جُڑے  رہو۔ اسی ایہ جاندے ہاں پئی اہیدا مطلب کہیہ اے۔پر فیر میں چاہنا واں کہ ایہناں خاص خیالاں نوں تھوڑا ودھا کے بیان کراں۔

 

1.

ساہنوں ایہیہ بھروسا اے پئی یسوع جیوندا اے۔تے خُدا دے سجے ہتھ بیٹھا اے۔تےساڈھی شفاعت کر دا اے۔ تے اوہ دِلوں ایس گل دی خاہش رکھدا اے کہ مسیحی ہون دے ناطے اسی کہیہ کرنے آں۔

 

2.

ساہنوں ہر ویلے یسوع مسیح نال ، یسوع مسیح دے ذریعے خُدا نال ، تے پاک روح دے ذریعے خُدا باپ تے یسوع مسیح دے نال گل بات کردے رہنا چاہیدا اے۔ایہدا مطلب صرف روزدُعا کرنا نہیں (سویر دے ویلے دعا واسطے سمے کڈھنا)بلکہ ساہنوں یسوع نے دسیا پئی ہر ویلے دعا کردے رہو دعا (Prayer) اِک پرانا انگریزی دا لفظ اے۔ جہیدے بارے وچہ مینوں کوئی پریشانی نہیں۔ میں نہیں چاہندا کہ ایہدے بارے کوئی بحث کیتی جاوے۔ یا کوئی ایہدے ورگا کوئی دوجا لفظ مثلاً سوچ وچار(meditation) ورتیا جاوے۔  لفظ دعا کوئی جادوئی لفظ نہیں ایہدے وچ فطرت توں ہٹ کے کوئی زور نہیں۔ ایہہ یاراں ونگوں خُدا نال گل بات کرنا ایں۔ جہڑیاں چیزاں دا جواب اسی لھبنے آں۔ اوہناں بارے خُدا کولوں پُچھنا۔  تے یار ، گھرانہ ، ماں تے دھی ، پیو تے دھی ، ماں تے پُتر ، پیو تے پُتر وانگوں اوہدے نال ودھیا ،  گوڑے تے ڈونگے رشتے بنونا۔ خدا دے نال سچیائی تے بھروسہ دے نال فائدہ مند تے گرما گرم ناتا رکھنا اے۔ دعا اِک انجدا معاملہ یا حالت اے۔ جیہڑی کئی وریاں توں خُدا نوں منن والیاں نوں الجھاوندی اے۔ ایہدا مطلب ایہہ نہیں کہ بڑی چھولی چھولی دا کرنا۔ یا ایمان والی کوشش نال چانن پونا ایں۔ ایہناں ساریاں چیزاں دے ہوندیاں ہویاں مینوں ایہہ کہن دی لوڑ محسوس ہوندی اے۔ کہ دعا وچہ کھوکھلا پن نہیں ہونا چاہیدا۔ میں اپنی خدمت وچہ کئی واری کہنا واں کہ جس طراں اسی اپنے پیو نال یا یاراں نال گل بات کرنے آں۔ اگر انج سی اساں خدا نال گل بات کیتی۔ تے فیر اسی کدی وی کجھ وی پا نہیں سکدے۔

 

3.

خُدا دے کلام دے ذریعے یسوع نال جُڑے رہو۔ اگر تُسی ایمانداری تے پرہیز گاری نال دعا کردے تے بائبل پڑھدے او۔ تے تُسی اوہدی بادشاہی وچہ دینداری تے فائدہ مندی وچہ ودھدے جاؤ گے۔ اگر تُسی دعا کرنا چھڈ دیو گے۔ تے بائبل پڑھنا بند کر دیو گے۔ تے تہاڈی بڑھوتری رُک جائے گی۔ اِک مسیحی دی زندگی انج دے تارو وانگر اے۔ جیہڑا پانی دے اُلٹے بہاؤ وَل بڑا تیز تردا اے۔ ایہدے وچ کوئی طرفداری نہیں۔ پئی اگر تُسی تیزی نال اگے ودھنا چھڈ دیو گے تے تُسی بڑی تیزی نال پچھے جان لگ پو گے۔

 

4.

اپنی حیاتی وچ یسوع دی موجودگی دا ویروا کرنا۔ اپنیاں عادتاں تے بولن چالن وچہ عقلمندی دا مظاہرہ کرو۔ کیوں جو اصل وچہ یسوع تہاڈے نال اے۔ تے اوہ حیاتی دے راہ وچہ تہاڈے نال تُردا اے۔  میں بدیانتی کراں گا اگر میں ایہہ نہ مناں۔ پئی میں پچھلے 45 وریاں وچہ خُدا دے نال چنگا ویلا وی کڈیا اے تے بھیڑا ویلا وی کڈیا اے۔ میرا چنگا ویلا اوہ اے پئی جدوں میں ایہہ جاندا ہویا ایویں دا بولیا وی نہیں تے ایویں دا کم وی نہیں کیتا جیہدے پاروں مینوں چھڑون والا دُکھی تے ناخوش ہووے۔ یسوع نال جُڑے رہنا یقینی طور ایہدے آسے پاسے ای گھمدا اے۔

 

5.

اپنی حیاتی دے منصوبیاں وچہ، ترکیباں وچہ ، پیش نامیاں وچہ تے مقصداں وچہ یسوع نال جُڑے رہو۔ اگر تُسی یسوع نال جُڑے رہو گے تے کلیسیاء دا کم تہاڈا اپنا کم بن جائے گا۔ یسوع نال جُڑے رہو گے تے دوجیاں مسیحاں دے نال رل

کے پرستش تے خُدا دا کلام دوجیاں نال ونڈن دا حصہ بن جاؤ گے۔

 

6.

یسوع مسیح نال جُڑے رہن دا اِک خاص خیال عبرانیوں6:11 وچہ دتا گیا اے۔ ساہنوں یقین اے پئی خُدا نظریں آوندا

اے۔ تے او اوہناں نوں بدلہ دیندا اے جیہڑے جان مار کے اوہنوں ہر ویلے لبھدے رہندے نیں۔ اے بڑا سوکھا اے تے نیڑے نیڑے بے معنی وی لگدا اے۔ لیکن ایس توں پہلوں کہ ویلا لنگ جاوے۔ آؤ اپنے آپ کولوں کجھ گلاں پچھ نے آں۔ کیہہ تُسی پچھلے ورے کسے نال بدیانتی کیتی اے؟ کیہہ تُسی کجھ ایس طراں دا کیہا اے جیہڑا تہاڈے خیال وچ نہیں سی کہنا چائی دا سی؟ کیہہ تُسی اپنے فیدے واسطے کسے نال جھوٹ بولیا اے؟ کیہہ تُسی کلام پڑھن تے دعا کرن چہ سستی وکھائی سے؟ اگر ایس طراں کیتا اے تے فیر تُسی ایس گل تے یقین رکھدے او پئی خُدا نہیں اے۔ کس طراں تسی ، میں یا کوئی وی انج دے کم کر سکدا اے۔ اگر تُسی سمجھدے او کہ خُدا دی اکھ دے تھلے ننگے نیں تے نظریں آوندے نیں۔ اگرخُدا دی نظر تے موجودگی وچہ اسی سب کجھ کرنے آں۔ تے ایہہ توہین اے۔ خُدا نیں ایہہ دسیا اے۔ کہ سب کجھ ساڈی حیاتی چوں دور ہونا چائی دا اے۔ ایہہ خُدا دی حقیقت بارے جاننا تے بھروسہ رکھنا اے۔ کہ اسی جائز چیزاں بارے کہنے آں تے ساہنوں اوہ مل وی جاندیاں نیں۔ تے اے خداوند یسوع مسیح نال جڑے رہن دا اِک ضروری حصّہ اے۔

 

© 1999-2020 by God's Point of View.

  • Facebook Social Icon
  • YouTube Social  Icon